Jeremia 9:14 - Pennsylvania Dutch Bible

¹⁴ In blatz funn sell, sinn si iahra shteibahrichi hatza nohch ganga. Si sinn di abgettah fumm Baal nohch ganga, so vi iahra feddah si gland henn.”

Jeremia 9:14 ပူးပေါင်းရင်းမြစ်များ

1. Mosi 6:5

Da Hah hott no ksenna vi grohs es di ungerechtichkeit voah in mensha uf di eaht, un es iahra gedanka fumm hatz yusht evil voahra di gans zeit.

Hiob 9:18

Eah dayt mich nett lossa mei ohften zrikk greeya, avvah eah dayt mich filla mitt dreebsawl.

Jeremia 11:8

Avvah si henn miah nett keicht un mich nett acht katt, avvah yaydahs funn eena is sei ayknah vayk ganga un is sei evil un fashtokt hatz nohch gloffa. Fasell habb ich awl di flucha in demm bund uf si gebrocht, selli vadda es ich si gebodda habb fa du avvah si henn si nett gedu.”

Jeremia 13:10

Dee ungettlicha leit es es nett doon fa mei vatt heicha, dee es iahra fashtokti hatza nohch gayn un anri gettah nohch gayn fa si deena un ohbayda, si zayla sei vi dess belt—goah nix veaht.

Jeremia 16:12

Avvah diah hend eich noch shlimmah ohkshikt es eiyah feddah. Alli-ebbah funn eich gayt sei fashtokt un evil hatz nohch in blatz funn miah heicha.

Jeremia 2:23

“Vi kansht du sawwa, ‘Ich binn nett unrein; ich binn em Baal nett nohch ganga?’ Gukk moll vass du gedrivva hosht drunna im deich, denk droh vass du gedu hosht. Du bisht vi en yungi kamayla-mah es ivvahrawlich rumm heah shpringd,

Jeremia 2:8

Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Jeremia 23:15

Fasell sawkt da Awlmechtich Hah dess veyyich di brofayda: “Ich zayl si macha biddah ess-sach essa, un giftich vassah drinka, veil deich di brofayda funn Jerusalem, is ungerechtichkeit deich's gans land ganga.”

Jeremia 23:27

Si mayna di drohma es si sawwa zu nannah macha mei leit mei nohma fagessa, grawt vi iahra foah-feddah mei nohma fagessa henn bei da abgott Baal deena.

Jeremia 3:17

An selli zeit zayld Jerusalem ‘Da Kaynich-Shtool fumm Hah’ kaysa sei, un's folk funn awl di lendah kumma zammah in Jerusalem fa em Hah sei nohma eahra. No zayla si iahra shteibahrichi un evili hatza nimmi nohch lawfa.

Jeremia 44:17

Miah zayla veiklich alles du es miah ksawt henn: Miah brenna insens zu di Kaynich-Fraw fumm Himmel un macha drink-opfahra zu iahra grawt vi miah un unsah feddah, unsah kaynicha un evvahshti gedu henn in Juda un in di shtrohsa funn Jerusalem. An selli zeit henn miah blendi katt zu essa un voahra goot ab unni kfoah.

Jeremia 7:24

Avvah si henn nett keicht un acht katt. In blatz funn sell sinn si iahra ayknah roht nohch gloffa, un sinn iahra shteibahrich un evil hatz nohch ganga. Si sinn hinnahsich un nett fassich gloffa.

Jeremia 8:14

Di leit sawwa, “Favass hokka miah do? Fasamlet eich! Vella nei in di eigmavvahda shtett gay so es miah datt shtauva kenna! Fa da Hah unsah Gott zayld uns umkumma lossa; eah hott uns giftich vassah gevva fa drinka, veil miah ksindicht henn geyyich een.

Glawk-Leedah 3:15

Eah hott mich kfild mitt biddahnis, un mich gmacht dreebsawl drinka.

Amos 2:4

Dess is vass da Hah sawkt: “Fa di feel sinda funn di leit funn Juda, even fa drei adda fiah, dann dray ich nett vekk funn si shtrohfa. Veil si em Hah sei ksetz nunnah gedrayt henn, un sei gebodda nett kalda henn, veil si sich fafiahra glost henn bei falshi abgettah, di abgettah es iahra foah-feddah nohch ganga sinn,

Galater 1:14

Ich voah am mich nuff shaffa in di Yudda-gmay ovvich feel anri mei aykni eld unnich mei leit, un voah oahrich ufgnomma mitt em Ksetz funn mei foah-eldra.

Epheser 2:3

Unnich dee henn miah aw eahshtah awl glaybt im lusht fumm flaysh un henn gedu vass unsah ayknah villa voah un vass unsah meind en falanga katt hott fa du. So voahra miah deich di naduah, kinnah fumm zann grawt vi awl di anra.

1. Petrus 1:18

Diah visset es es nett voah mitt sacha es fagayn vi silvah adda gold, es diah frei gekawft sind vadda funn eiyah unfruchtboah layva vass diah geahbt hend funn eiyah foah-feddah,