Jeremia 8:22 - Pennsylvania Dutch Bible

²² Hott's nix in Gilead fa salba? Is kenn doktah datt? So favass voahra mei leit nett kayld?

Jeremia 8:22 ပူးပေါင်းရင်းမြစ်များ

1. Mosi 37:25

No henn si sich anna kokt fa essa. Vi si ufgegukt henn, henn si en drubb Ismaeliddah funn Gilead ksenna kumma mitt iahra kamayla. Iahra kamayla voahra ufglawda mitt shpeis, balsam un myrrhe, un si voahra uf em vayk fa si nunnah in Egypta nemma.

1. Mosi 43:11

No hott da Israel, iahra daett, ksawt zu eena, “Vann's dann so sei muss, dann doond dess: Nemmet fumm beshta sach im land, doond's in eiyah sekk un drawwet's nunnah zumm mann fa en kshenk. Nemmet en vennich balsam, hunnich, shpeisichah gum, myrrhe, niss un almonds.

Jeremia 14:19

Hosht du uns gans nunnah gedrayt? Dusht du Zion hassa? Favass hosht du uns so hatt kshlauwa es miah nett kayld sei kenna? Miah henn gvoaht fa fridda, avvah nix goodes is kumma. Miah henn gvoaht fa kayld sei, avvah miah henn yusht may angsht grikt.

Jeremia 22:6

Fa dess is vass da Hah sawkt veyyich em kaynich-haus fumm kaynich funn Juda: “Du bisht so shay es es land Gilead zu miah, so shay es di berga in Lebanon. Doch zayl ich dich macha vi en vildahnis, vi shtett es nimmand drinn voond.

Jeremia 46:11

Gay nuff in Gilead un grikk balsam-shmiah, du leddich maydel Egypta! Du broviahsht feel hayles fa nix, es is kenn hayles fa dich.

Jeremia 51:8

Babylon is bletzlich kfalla un fabrocha vadda. Heilet ivvah see! Bringet shmiah fa iahra shmatza; fleicht kann see kayld sei.

Jeremia 6:7

Vi en shpring iahra vassah lawfa lost, so lawft ungettlichkeit aus iahra. Ma heaht di yacht funn shtoft am veeshtahlich fadauva vadda, maddahrei un nunnah-shlauwes dreibt see alli dawk.

Jeremia 9:1

Oh, ich vott mei kobb veah en vassah-brunna, un mei awwa en vassah-shpring funn awwa-vassah, so es ich heila kend dawk un nacht fa mei leit es doht gmacht voahra!

Jeremia 9:11

“Ich mach Jerusalem in en shtay haufa, un en blatz fa vildi hund. Ich reis di shtett funn Juda nunnah so es nimmand drinn voona kann.”

Glawk-Leedah 2:13

Oh Jerusalem, vass kann ich sawwa fa dich, mitt vass soll ich dich fagleicha, oh Dochtah Jerusalem? Zu vass soll ich dich fagleicha, so es ich dich drayshta kann oh du Yung Maydel, Jerusalem? Dei shawda is so grohs es da say, veah kann dich hayla?

Ezekiel 27:17

Juda un Israel henn aw kandeld mitt diah. Si henn vaytza funn Minnith, kucha, hunnich, ayl funn ayl-baym un shmiah fa di granka gebrocht fa handla mitt diah.

4. Mosi 32:1

Di Rubeniddah un di Gadiddah henn grohsi drubba kee un shohf katt. Si henn ksenna es di lendah funn Jaser un Gilead goodi vayt katt henn fa iahra fee.

Lukas 8:43

Un's voah en fraw dibei es en veibsleida bloots-granket katt hott shund fa zvelf yoah. See hott awl iahra geld zu di doktah gevva katt, un nimmand hott see hayla kenna.