Jeremia 8:19 - Pennsylvania Dutch Bible

¹⁹ Heich moll, ich heah mei leit am greisha, funn en land veit ab. Is da Hah nett in Zion? Is iahra kaynich nimmi datt? Da Hah sawkt, “Favass henn si mich fazand mitt iahra gleichnisa, mitt iahra nix-nutzichi, fremdi abgettah?”

Jeremia 8:19 ပူးပေါင်းရင်းမြစ်များ

Psalm 135:21

Glohbt is da Hah funn Zion, sellah es in Jerusalem voond. Halleluja!

Psalm 137:1

An di revvahra funn Babylon henn miah kokt un keild, vo miah an Zion gedenkt henn.

Psalm 146:10

Da Hah is kaynich fa'immah, dei Gott, oh Zion, roold ayvichlich. Halleluja!

Psalm 149:2

Loss Israel froh sei fa deah es si gmacht hott; di kinnah funn Zion sella sich froiya fa iahra Kaynich.

Psalm 31:6

Ich hass selli es sich ufhalda mitt gettah es nix veaht sinn, avvah ich du mei fadrauwa in da Hah.

Jesoiya 1:4

Oh, sindlichi leit, leit es nunnah-glawda sinn mitt shulda, nohch-kummashaft funn evil-shaffah, gans fadauvani kinnah! Si henn da Hah falossa, sellah Heilich in Israel nunnah gedrayt, un iahra bikkel geyyich een gedrayt.

Jesoiya 12:6

Greishet laut un singet mitt frayt, diah leit funn Zion, fa grohs unnich eich is sellah Heilichah funn Israel.”

Jesoiya 13:5

Si kumma funn lendah funn veit vekk, fumm end funn di himla, da Hah un di greeks-ksharra funn sei zann, fa's gans land fadeahva.

Jesoiya 33:22

Fa da Hah is unsah richtah, da Hah is unsah meishtah; da Hah is unsah kaynich es is een es uns helft.

Jesoiya 39:3

No is da Jesoiya da brofayt zumm Kaynich Hiskia ganga un hott kfrohkt, “Vass henn selli mennah ksawt, un vo sinn si bei kumma?” “Funn en land veit ab,” hott da Hiskia ksawt, “si sinn zu miah kumma funn Babylon.”

Jesoiya 52:1

Vekk uf, Zion, vekk uf, glayt dich mitt graft. Du dei shayni glaydah oh, du heilichi shtatt, Jerusalem. Kenn unbeshniddanah adda unreinah zayld may in dich nei kumma.

Jeremia 10:15

Si sinn nix veaht un sedda fashpott vadda; vann si moll gricht vadda, gayn si folshtendich zu nix.

Jeremia 14:19

Hosht du uns gans nunnah gedrayt? Dusht du Zion hassa? Favass hosht du uns so hatt kshlauwa es miah nett kayld sei kenna? Miah henn gvoaht fa fridda, avvah nix goodes is kumma. Miah henn gvoaht fa kayld sei, avvah miah henn yusht may angsht grikt.

Jeremia 14:9

Favass bisht du vi en mann es fashtaund is, vi en mechtichah mann es nett helfa kann? Du bisht do unnich uns, oh Hah, miah sinn kaysa bei deim nohma, du uns nett falossa!”

Jeremia 2:5

Dess is vass da Hah sawkt: “Vass fa faylah henn eiyah feddah kfunna in miah, es si so veit vekk ganga sinn funn miah? Si sinn abgettah nohch gloffa es nix veaht voahra, un sinn selvaht nix veaht vadda.

Jeremia 27:10

Si broffetzeiya leeya zu eich un sell zayld macha es diah veit vekk funn eiyah lendah gedrawwa vaddet. Ich dreib eich raus un diah kummet um.

Jeremia 31:6

Da dawk zayld kumma vann di heedah uf di hivla in Ephraim sawwa zayla, ‘Kummet, vella nuff an Zion gay, zumm Hah unsah Gott.’”

Jeremia 32:30

Di leit funn Israel un Juda funn yungem uf henn yusht evil gedu fannich miah. Yau, di leit funn Israel henn nix gedu es yusht mich zannich gmacht bei di sacha es si macha mitt iahra hend,” sawkt da Hah.

Jeremia 7:19

Avvah is es mich es si am fa'eiyahra sinn? frohkt da Hah. Sinn si nett am sich selvaht vay du un sich selvaht fashohma?

Jeremia 8:20

“Di eahn is fabei,” sawwa di leit, “da summah is ivvah, un miah henn kenn hilf grikt.”

Jeremia 9:16

Ich zayl si ausnannah shtroiya unnich di heida, dee es si un iahra feddah nett gekend henn, un ich gay eena nohch mitt em shvatt biss ich si gans faddich gmacht habb.”

Ezekiel 48:35

Gans ausa um di shtatt rumm is sex meil. Un da nohma funn di shtatt funn selli zeit on hayst: DA HAH IS DATT”

Joel 2:32

Un alli-ebbah es da nohma fumm Hah ohrooft, zayld saylich vadda; fa uf em Berg Zion un in Jerusalem zayla selli sei es frei gmacht sinn, so vi da Hah ksawt hott, even unnich selli ivvahricha es da Hah rooft.”

Joel 3:21

Ich zayl nett unkshtrohft gay lossa, di shuld fa iahra fagossa bloot, dess es ich noch nett gedu habb.” Da Hah voond in Zion!

Obadia 1:17

Avvah uf em Berg Zion zayla samm ivvahrich bleiva; da berg zayld heilich sei. Em Jakob sei leit zayla iahra land zrikk greeya; si greeya zrikk vass zu eena heaht.

Micha 4:9

Favass greisht du nau so laut? Hosht du kenn kaynich? Is dei roht-gevvah kshtauva, es du shmatza hosht vi en fraw am en kind havva?

Zephania 3:15

Da Hah hott dei shtrohf vekk gnumma, un hott dei feinda vekk gedrayt. Da Hah, da Kaynich funn Israel, is bei diah; du brauchsht dich nimmi feicha veyyich di kfoah.

Sacharia 2:9

Ich zayl geviss mei hand uf hayva geyyich si un si zayla grawbt sei bei selli es als iahra bunds-gnechta voahra. No zayla diah vissa es da Awlmechtich Hah mich kshikt hott.

Di Apostelgeschichte 14:15

un henn ksawt, “Mennah, favass doond diah dess? Miah sinn aw yusht mensha es naduaht sinn vi diah. Miah breddicha's Effangaylium so es diah vekk drayya sellet funn dee falshi sacha zumm levendicha Gott. Deah hott da Himmel, di eaht, un da say gmacht, un awl di sacha es datt drinn sinn.

5. Mosi 31:17

An selli zeit vatt mei zann hays geyyich si un ich zayl si falossa. Ich fashtekkel mei ksicht funn eena un si kumma zu nix. Feel veeshti sacha un druvla zayla uf si kumma, un no zayla si frohwa, ‘Sinn nett dee evili sacha uf uns kumma veil unsah Gott nimmi bei uns is?’

Di Offenbarung 2:1

“Zu em engel funn di gmay in Ephesus shreib: ‘Dess sawkt deah vo di sivva shtanna in sei rechtsi hand haybt, deah vo in di mitt funn di sivva goldicha lichtah-shtaends lawft: