Jeremia 6:29 - Pennsylvania Dutch Bible

²⁹ Di forge blohst hatt am feiyah, fa's lead macha ab brenna. Avvah's reinicha gayt alles fa nix, veil di gottlohsa nett raus fadayld vadda.

Jeremia 6:29 ပူးပေါင်းရင်းမြစ်များ

Shpricha 17:3

Vi gold un silvah broviaht is bei feiyah, so vadda di hatza broviaht beim Hah.

Jesoiya 49:4

Avvah ich habb ksawt, “Ich habb kshaft fa nix; ich habb mei graft gevva un's hott nix gebatt. Doch, mei recht un vass zu miah heaht is im Hah sei hand, mei lohn is mitt mei Gott.”

Jeremia 15:19

Nau dess is vass da Hah sawkt: “Vann du dich zrikk draysht zu miah, dann nemm ich dich viddah zrikk, un du kansht viddah mei deenah sei; vann du sacha shvetsht es diveaht sinn, un nett sacha es nix veaht sinn, dann daufsht du viddah shvetza fa mich. Di leit zayla zu diah drayya, avvah du musht nett zu eena drayya.

Jeremia 9:7

So dess is vass da Awlmechtich Hah sawkt: “Gukket moll, ich zayl si reinicha mitt feiyah, un si ausbroviahra. Vass shunsht kann ich du, vann ich sayn vass mei leit gedu henn?

Ezekiel 24:12

Avvah alles es broviaht vatt, shaft nett, da rosht un drekk kumd nett ab, nett even mitt em feiyah.

Ezekiel 24:13

Da rosht un drekk fumm kessel is dei shand. Ich habb broviaht dich rein macha, avvah du hosht dich nett glost sauvah gmacht sei funn dei unreinichkeit. Fasell, zaylsht du nett viddah rein gmacht sei biss mei zann sich abgekeeld hott.

Hosea 11:7

Mei leit sinn hatt ksetzt fa vekk drayya funn miah. Si roofa zumm Alli-Haychshta, avvah nimmand eaht een.

Sacharia 13:9

Dess driddel dayl zayl ich deich's feiyah du, un's reinicha vi ma silvah shmelst un's reinich macht, un aw vi gold greinicht vatt. Si zayla mei nohma ohroofa, un ich gebb eena andvat. Ich zayl sawwa, ‘Si sinn mei leit,’ un si sawwa, ‘Da Hah is unsah Gott.’”

1. Petrus 1:7

Dee sacha kumma so es eiyah glawva—vo may veaht is es gold vass fagayt, un vass broviaht vatt deich feiyah—shtandhaftich kfunna sei kann zumm lohb, hallichkeit un eah, vann Jesus Christus moll kumd,

1. Petrus 4:12

Diah leevichi, favunnahret eich nett veyyich di feiyahrich fasuchung vass am blatz nemma is unnich eich, es vann ebbes kshpassiches am uf eich kumma veah.

Richtah 17:4

No vo eah's silvah viddah zrikk gevva hott zu sei maemm, hott see zvay hunnaht shtikkah silvah zu en silvah-shmitt gevva, un eah hott's in en gleichnis kshmolsa un en abgott gmacht. Un dee voahra im Micha sei haus.