Jeremia 6:25 - Pennsylvania Dutch Bible

²⁵ Gaynd nett naus in di feldah, un lawfet nett uf di vayya, veil unsah feind en shvatt hott un ivvahrawlich rumm is angsht.

Jeremia 6:25 ပူးပေါင်းရင်းမြစ်များ

2. Chronik 15:5

An selli zeit is es nett goot ganga mitt selli es nei adda naus ganga sinn, fa's voah grohsi unroo unnich di leit funn dee lendah.

Hiob 18:11

Alles um een rumm fagelshtaht een mitt angsht, un dess gayt eem nohch mitt alli shritt.

Psalm 31:13

Ich heah feel leit di unvoahret pishbahra veyyich miah; 's is miah angsht uf alli seit; si shvetza unnich nannah geyyich mich, un shkeema fa mei layva funn miah nemma.

Jesoiya 1:20

avvah vann diah eich shteibahret un geyyich mich gaynd, zaylet diah ufkfressa sei mitt em shvatt.” Dess is vass es maul fumm Hah ksawt hott.

Jeremia 14:18

Vann ich naus in's feld gay, dann sayn ich selli es umkumma sinn mitt em shvatt; vann ich in di shtatt gay, sayn ich leit am fahungahra. Di brofayda un preeshtah gayn rumm heah im land un vissa nett vass zu sawwa.’”

Jeremia 20:10

Ich heah feel leit am mich fashelda, “Angsht is ivvahrawlich,” sawwa si, “farohdet een! Vella een farohda!” Awl mei freind sinn am voahra un vatsha fa sayna vann ich falla zayl; si sawwa, “Fleicht vatt eah fafiaht, no kenna miah een ivvah-kumma un's ausnemma uf eem.”

Jeremia 30:5

“Dess is vass da Hah sawkt: ‘Miah henn en shtimm funn angsht keaht, funn furcht un nett funn fridda.

Jeremia 4:10

No habb ich ksawt, “Ach, Awlmechtichah Hah, du hosht dee leit un Jerusalem veesht fafiaht bei sawwa, ‘Diah zaylet fridda havva,’ diveil es en shvatt an iahra hels is.”

Jeremia 4:5

“Blohset's blohs-hann deich's gans land, losset Juda vissa un greishet's naus in Jerusalem. Greishet laut un sawwet, ‘Fasamlet eich zammah! vella kshvind in di eigmavvahda shtett gay!’

Jeremia 46:5

Avvah vass doon ich sayna?” sawkt da Hah. “Si sinn fagelshtaht, si sinn am vekk shpringa, iahra mechtichi mennah sinn gebodda. Si shpringa kshvind fatt, unni zrikk gukka, angsht is ivvahrawlich.

Jeremia 49:29

Iahra tents un drubba shohf vadda vekk gnumma, mitt iahra tent-curtains un alles in di tents. Iahra kamayla vadda vekk kfiaht, un leit greisha zu eena, ‘Angsht is ivvahrawlich!’

Jeremia 49:5

Gukk moll, ich zayl angsht uf dich kumma lossa, funn awl selli um dich rumm,” sawkt da Hah, da Awlmechtich Gott. “Alli-ebbah funn eich vatt ausnannah gedrivva un nimmand kann eich viddah zammah bringa.

Jeremia 8:14

Di leit sawwa, “Favass hokka miah do? Fasamlet eich! Vella nei in di eigmavvahda shtett gay so es miah datt shtauva kenna! Fa da Hah unsah Gott zayld uns umkumma lossa; eah hott uns giftich vassah gevva fa drinka, veil miah ksindicht henn geyyich een.

Jeremia 8:15

Miah henn koft fa fridda, avvah's is nix goodes kumma. Miah henn koft fa kayld vadda, avvah miah sinn yusht fagelshtaht vadda.

Glawk-Leedah 2:22

Du hosht mei feinda bei groofa es vi uf en fesht-dawk; si sinn geyyich mich kumma funn alli seit. Im dawk fumm Hah sei zann is nimmand vekk kumma adda ivvahrich geblivva. Selli es ich gedrawwa un ufgezowwa habb, henn mei feinda gans ausgrivva.

Ezekiel 21:17

Ich zayl mei hend aw zammah shlauwa, un mei zann zayld no faddich sei. Ich, da Hah habb kshvetzt.”

Ezekiel 7:18

Si zayla sekk-glaydah ohdu, si vadda fagelshtaht mitt angsht. Shohm is uf iahra ksichtah un iahra kebb sinn bawl-kebbich.

Lukas 19:43

Fa di dawwa zayla uf dich kumma vann dee vo dich hassa en grund-haufa bauwa gans um dich rumm un doon dich eishpadda uf alli seit.