Jeremia 6:20 - Pennsylvania Dutch Bible

²⁰ Vass gebb ich um insens funn Seba, adda salb-ayl funn en land veit ab? Eiyah brand-opfahra nemm ich nett oh; eiyah opfahra kfalla miah nett.”

Jeremia 6:20 ပူးပေါင်းရင်းမြစ်များ

2. Samuel 15:12

Diveil es da Absalom am opfahra macha voah, hott eah vatt kshikt zumm Ahithaphel in sei shtatt Gilo fa kumma funn datt. Da Ahithaphel voah em Dawfit sei roht-gevvah. So is di shkeem geyyich da kaynich als shteikah vadda, un may un may leit sinn em Absalom nohch ganga.

1. Kaynicha 10:10

See hott em kaynich 4½ tons gold gevva, un feel shpeises un keshtlichi shtay. Nee nett sinn so feel shpeises rei kumma es selli es di kaynich-fraw funn Sheba zumm Kaynich Solomon gevva voah.

Psalm 40:6

Shlacht-opfahra un shpeis-opfahra sinn diah nett kfellich, avvah mei oahra hosht du uf gmacht. Brand-opfahra un sind-opfahra hosht du nett kfrohkt difoah.

Psalm 66:3

Sawwet zu Gott, “Vi vundahboah sinn dei verka! Dei graft is so grohs, es dei feinda sich beeya missa fannich diah.

2. Mosi 30:23

“Nemm zu diah di beshti shpeises: zvelf pund pyuah myrrhe, halvah so feel (sex pund) sees-shmakkichah cinnamon, sex pund sees-shmakkichah balsam,

Shpricha 15:8

Es opfah funn di gottlohsa is grauslich zumm Hah, avvah di gebaydah funn di ufrichticha sinn eem kfellich.

Shpricha 21:27

Da opfah fumm gottlohsa is grausam, un vi feel may vann eah's bringd mitt evili gedanka.

Jesoiya 1:11

“Vass sinn eiyah feel opfahra zu miah?” sawkt da Hah. “Ich habb genunk shohf-bekk opfahra, un's fett funn feddi diahra. 'S bloot funn bulla, lemmah un gays is miah nett kfellich.

Jesoiya 60:6

Feel kamayla zayla ivvah dei land kumma, yungi kamayla funn Midian un Epha. Di leit kumma aus Saba un bringa gold un insens, un zayla da Hah lohva.

Jesoiya 66:3

Avvah veah-evvah es en ox opfaht, is vi sellah es en mann doht macht, un veah-evvah es en lamm opfaht, is vi sellah es en hund sei hals fabrecht; veah-evvah es en shpeis-opfah bringd, is vi sellah es bloot funn sei bringd, un veah-evvah es insens brend, is vi sellah es en abgott deend. Dee leit gayn iahra ayknah vayk, un greeya blesiah aus iahra grausam sach.

Jeremia 14:10

Dess is vass da Hah sawkt veyyich sei leit: “Si gleicha do un datt rumm lawfa, un gleicha nett dihaym bleiva. So nemd da Hah si nett oh; eah denkt an iahra ungettlichkeit, un shtrohft si fa iahra sinda.”

Jeremia 14:12

Vann si fashta, zayl ich iahra roof nett abheicha; vann si brand-opfah un shpeis-opfah opfahra, zayl ich si nett ohnemma. In blatz funn sellem, zayl ich si umbringa mitt em shvatt, hungahs-noht un peshtelens.”

Ezekiel 20:39

Un veyyich eich, diah es fumm haus funn Israel sind, dess is vass da Awlmechtich Hah sawkt: Gaynd un deenet eiyah abgettah, yaydahs funn eich! Avvah shpaydah zaylet diah miah heicha, un mei heilichah nohma nimmi unrein macha mitt eiyah opfah un abgettah.

Ezekiel 27:22

Di kawf-leit funn Saba un Ragma henn kandeld mitt diah. Si henn betzawld fa dei sacha mitt di beshta shpeises, keshtlichi shtay un gold.

Hosea 8:13

Si macha feel opfahra zu miah un essa's flaysh, avvah si sinn em Hah nett kfellich. Nau zayld eah an iahra ungettlichkeit denka, un si shtrohfa fa iahra sinda; si zayla viddah zrikk zu Egypta gay.

Hosea 9:4

Datt zayla si nett vei ausleahra fa en opfah macha zumm Hah, un iahra opfahra zayla eem nett kfellich sei. So opfahra zayla unrein sei, grawt vi's broht is fa selli es am heila sinn fa iahra dohdi, un alli-ebbah es est difunn vatt aw unrein. Dess ess-sach zayld sei fa si selvaht, es soll nett im Hah sei tempel kumma.

Maleachi 1:10

“Oh, ich vott ayns funn eich dayt di tempel doahra zu macha, so es diah nett feiyah uf mei awldah du daydet fa nix! Diah sind miah nett kfellich,” sawkt da Awlmechtich Hah, “un ich nemm kenn opfah funn eich.