Jeremia 6:19 - Pennsylvania Dutch Bible

¹⁹ Heich mich ab, oh eaht: Ich zayl evil uf dee leit bringa, dess is da shtrohf fa iahra shkeems, veil si mei vadda nett abkeicht henn, un mei ksetz nunnah gedrayt henn.

Jeremia 6:19 ပူးပေါင်းရင်းမြစ်များ

Shpricha 15:26

Da Hah hast di gedanka funn di gottlohsa, avvah di vadda funn di reina sinn eem kfellich.

Shpricha 28:9

Ebbah es sei oah vekk drayt funn's ksetz heahra, macht even sei gebaydah grausam.

Jesoiya 1:2

Heichet ab, diah himla un eaht! Fa da Hah hott kshvetzt: “Ich habb kinnah ufgezowwa un si kolfa ufvaxa, avvah si henn sich geyyich mich kshteld.

Jesoiya 5:24

So vi's flamm fumm feiyah shtroh ufbrend, un vi's drukka graws nunnah gayt im flamm, so fafaula iahra vatzla, un iahra blumma blohsa vekk vi shtawb, fa si henn's ksetz fumm Awlmechticha Hah nunnah gedrayt, un's vatt fumm Heilicha funn Israel fa'acht.

Jesoiya 59:7

Iahra fees shpringa fa evil du, un si dumla sich fa unshuldich bloot fageesa. Iahra gedanka sinn shlechti gedanka; si lossa fadauves un faveeshtes hinnich sich.

Jesoiya 66:18

“Ich kenn iahra verka un iahra gedanka. Di zeit is am kumma es ich alli lendah un zunga zammah samla zayl, so es si kumma un mei hallichkeit sayna.

Jeremia 11:11

Fasell sawkt da Hah dess, ‘Gukk moll, ich zayl evil uf si kumma lossa es si nett vekk kenna difunn. Even vann si roofa zu miah, zayl ich si nett abheicha.

Jeremia 15:6

Du vitt nix may vissa funn miah,” sawkt da Hah. “Du bisht abkfalla funn miah, so shtrekk ich mei hand naus ivvah dich un fadaub dich; ich binn's laydich eigevva!

Jeremia 17:10

“Ich, da Hah, gukk in's hatz un broviah di gedanka; ich gebb em mann vass zu eem heaht, bei vi eah laybt un vass eah dutt.”

Jeremia 19:15

“Dess is vass da Awlmechtich Hah, da Gott funn Israel, sawkt: ‘Heichet moll, ich zayl uf dee shtatt un awl di shtetlen drumm rumm, awl di heslichi sacha kumma lossa es ich fashprocha habb geyyich si, veil si sich kshteibaht henn un's nett gedu henn fa mei vadda abheicha.’”

Jeremia 19:3

un sawk, ‘Heichet's vatt fumm Hah ab, diah kaynicha funn Juda un diah leit funn Jerusalem. Dess is vass da Awlmechtich Hah, da Gott funn Israel, sawkt: Heichet moll, ich zayl en shreklich fadauves uf deah blatz bringa, so shlimm es di oahra funn alli-ebbah es heaht difunn rabla zayla.

Jeremia 21:14

Ich zayl eich shtrohfa fa vass diah gedu hend; ich shtekk eiyah busha oh mitt feiyah, un ich fabrenn alles um eich rumm.’” So sawkt da Hah.

Jeremia 22:29

Oh land, land, land, heich zumm vatt fumm Hah!

Jeremia 29:19

Fa si henn mei vadda nett abkeicht,” sawkt da Hah, “vadda es ich ivvah un ivvah kshikt habb zu eena deich mei gnechta di brofayda, un diah hend aw nett abkeicht,” sawkt da Hah.

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

Jeremia 4:16

“Sawwet dess zu di heida, loss es fazayld sei in Jerusalem: ‘Feinda funn veit ab sinn am kumma fa greek macha, si sinn am greisha fa greek macha geyyich di shtett funn Juda.

Jeremia 4:4

Beshneidet eich fannich em Hah, beshneidet eiyah hatza, diah mennah funn Juda un diah leit funn Jerusalem, adda mei zann gayt naus un brend vi en feiyah veil diah so evili sacha gedu hend. Es feiyah zayld brenna un nimmand kann's aus macha.”

Jeremia 49:37

Ich zayl Elam fagelshtahra fannich iahra feinda, fannich selli es si doht macha vella. In mei gleedichah zann, bring ich shreklich fadauves uf si,” sawkt da Hah. “Ich shikk's shvatt eena nohch, biss ich si gans ausreib.

Jeremia 6:10

Zu vemm kann ich shvetza un en vanning gevva? Veah heicht mich ab? Iahra oahra sinn zu kshtobt so es si nett heahra kenna. Si shpodda ivvah's vatt fumm Hah, un vella nix vissa difunn.

Jeremia 6:18

So diah heida, heichet dess ab; gevvet goot acht, un vatshet vass blatz nemd mitt eena.

Jeremia 8:5

So favass drayya dee leit vekk unni viddah zrikk drayya? Favass dutt Jerusalem immah vekk drayya? Si henka oh zu di falshheit, un doon's nett fa zrikk kumma.

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Daniel 9:11

Gans Israel hott dei ksetz ivvah-gedredda, sinn vekk gedrayt un henn dei shtimm nett abkeicht. Fasell, is da fluch uf uns kumma es kshvoahra voah un es kshrivva shtayt im Ksetz fumm Mosi, Gott sei gnecht, veil miah ksindicht henn geyyich dich.

Hosea 10:13

Avvah diah hend ungettlichkeit geblanst, hend evil geahnd, un hend di frucht funn leeya gessa. Veil du dich falossa hosht uf dei aykni graft, un uf dei feel greeks-gnechta,

Hosea 4:6

Mei leit gayn unnah veil si nett gland sinn. Veil du lanning nunnah gedrayt hosht, dann dray ich dich aw nunnah fa mei preeshtah sei. Veil du's ksetz funn dei Gott fa'acht hosht dann fa'acht ich aw dei kinnah.

Amos 2:4

Dess is vass da Hah sawkt: “Fa di feel sinda funn di leit funn Juda, even fa drei adda fiah, dann dray ich nett vekk funn si shtrohfa. Veil si em Hah sei ksetz nunnah gedrayt henn, un sei gebodda nett kalda henn, veil si sich fafiahra glost henn bei falshi abgettah, di abgettah es iahra foah-feddah nohch ganga sinn,

Micha 1:2

Heichet, awl diah leit, heich, oh eaht un alles es drinn is. Gott da Hah zayld zeiya geyyich eich, da Hah funn sei heilichah tempel.

Micha 6:2

Heichet, diah berga, vi da Hah pshuldicht, un aw diah ayvichi mavvahra es di eaht uf hayva. Da Hah haybt ebbes geyyich sei leit, eah vill en shuld fannich si du.

Johannes 12:48

Deah vo mich nunnah drayt un mei vadda nett ohnemd, hott shund en richtah; es vatt vo ich gebreddicht habb is sei richtah am letshta dawk.

Di Apostelgeschichte 8:22

Du boos fa dess dei ungettlichkeit, un frohk Gott es eah dee gedanka funn deim hatz fagevva soll.

5. Mosi 30:19

Heit roof ich zumm himmel un di eaht fa en zeiya geyyich eich, es ich layva un doht, sayya un flucha fannich eich ksetzt habb. Nau nemmet layva, so es diah un eiyah kinnah layva kennet.

5. Mosi 32:1

Heichet, oh himla, ich zayl shvetza; loss di eaht di vadda funn mei maul heahra.

5. Mosi 4:26

ich roof himmel un eaht fa zeiknis sei geyyich eich heit, es diah kshvind umkumma zaylet un aus em land gebutzt sei zaylet—dess land es diah am nei gay sind ivvah em Jordan fa's ivvah-nemma. Diah zaylet nett lang datt layva, avvah zaylet awl umkumma.

1. Samuel 15:23

Geyyich Gott shaffa is vi di sind funn hexahrei, un dikk-kebbich sei is vi's evila funn abgettah deena. Veil du's vatt fumm Hah nunnah gedrayt hosht, dann hott eah dich aw nunnah gedrayt fa kaynich sei.”

1. Samuel 15:26

Avvah da Samuel hott ksawt zu eem, “Ich gay nett zrikk mitt diah. Du hosht em Hah sei vatt nunnah gedrayt, un da Hah hott dich nunnah gedrayt fa kaynich ivvah Israel sei.”