Jeremia 51:8 - Pennsylvania Dutch Bible

⁸ Babylon is bletzlich kfalla un fabrocha vadda. Heilet ivvah see! Bringet shmiah fa iahra shmatza; fleicht kann see kayld sei.

Jeremia 51:8 ပူးပေါင်းရင်းမြစ်များ

Jesoiya 21:9

Nau gukk moll, do kumma di reidah, zvay geil nayvich nannah. Eah gebt andvat un sawkt, ‘Babylon is kfalla, see is kfalla, un awl iahra gleichnisa funn iahra gettah leiya fabrocha uf em grund!’”

Jesoiya 47:11

Avvah evil zayld uf dich kumma, un dei zaubahrei kann's nett shtobba. Evil zayld uf dich falla, un dei opfah nemd's nett vekk. Fadauves es du nett foah-sayna kansht zayld bletzlich uf dich kumma.

Jesoiya 47:9

Dee sacha zayla awl zvay ivvah dich kumma, bletzlich, in aym dawk: Du zaylsht dei kinnah faliahra un en vitt-fraw vadda. Dee sacha kumma folshtendich ivvah dich, even mitt dei feel zaubahrei, un di macht funn dei hexahrei.

Jeremia 46:11

Gay nuff in Gilead un grikk balsam-shmiah, du leddich maydel Egypta! Du broviahsht feel hayles fa nix, es is kenn hayles fa dich.

Jeremia 48:20

‘Moab is fashohmd un faddich gmacht,’ sawwa si, ‘Heilet un greishet naus! Sawwet's am Arnon Revvah nohch es Moab gans fadauva is.’

Jeremia 48:31

Fasell, muss ich heila ivvah Moab un brilla veyyich eem. Ich muss yammahra ivvah di leit funn Kir-Heres.

Jeremia 50:2

“Loss es vissa un fakindich's unnich di heida, hayb en shreives ovvich dei kobb un fakindich's; hald nix zrikk, avvah sawk, ‘Babylon is gnumma vadda, iahra gott Bel is fashohmd, da gott Merodach is in shtikkah fabrocha. Iahra abgott-gleichnisa sinn fashohmd, un iahra abgettah sinn in shtikkah fabrocha.’

Jeremia 51:41

Vi is Sheshach kfalla, dee shtatt es uf gebraekt voah bei di gans eaht! Vi is Babylon so en shreklichah vundah vadda unnich di heida!

Jeremia 8:22

Hott's nix in Gilead fa salba? Is kenn doktah datt? So favass voahra mei leit nett kayld?

Ezekiel 30:2

“Mensha-kind, broffetzei un sawk, ‘Dess is vass da Awlmechtich Hah sawkt: Heilet, un sawwet, “Vay, fa sellah dawk!”

Daniel 5:24

Sell is favass es eah dee hand kshikt hott fa dee vadda shreiva.

Daniel 5:31

Da Darius funn Media hott no's kaynich-reich ivvah-gnumma vo eah zvay un sechtzich yoah ald voah.

Nahum 3:19

Nix kann dich hayla vo du vay gedu bisht, du kansht nett kayld sei. Alli-ebbah heaht veyyich diah, un shlakt sei hend zammah mitt frayt, fa veah hott nett dei ayvichah unfashtand deich macha missa?

Di Offenbarung 14:8

Un noch en engel, da zvett, is nohch kumma un hott ksawt, “See is kfalla, see is kfalla, Babylon, di grohs shtatt is kfalla; see is dee vo di leit in alli lendah gmacht hott da vei funn iahra huahrahrei drinka.”

Di Offenbarung 18:2

Eah hott mechtichlich naus gegrisha mitt en shteiki shtimm, un hott ksawt, “See is kfalla, see is kfalla, di grohs Babylon is kfalla. See is di haymet vadda funn deivela, un alli grauslichah geisht bleibt datt, un aw alli unreinah un hassichah fokkel.