Jeremia 51:53 - Pennsylvania Dutch Bible

⁵³ Even vann Babylon so hohch es da himmel gay kend, un see dayt iahra mavvahra shteik un hohch in di hay macha, doch shikk ich leit fa see faveeshta,” sawkt da Hah.

Jeremia 51:53 ပူးပေါင်းရင်းမြစ်များ

1. Mosi 11:4

No henn si ksawt, “Kummet, vella en shtatt bauwa fa uns, un en hohch gebei es gans nuff an da himmel langd. Vella uns en grohsah nohma macha, no vadda miah nett ausnannah kshtroit ivvah di gans eaht.”

Hiob 20:6

Even vann sei hohchmoot in di himla langd, un sei kobb so hohch is es di volka,

Jesoiya 13:17

Nau gukket, ich zayl di leit funn Media ufshtadda geyyich si, dee es sich nett abgevva mitt silvah, un es nett ufgnumma sinn mitt gold.

Jesoiya 41:25

Ich habb aynah uf kshtatt funn di natt es kumd, funn vo di sunn ufkumd rooft eah mei nohma. Eah shtambt uf roolahs vi ebbah mud mixt, vi da heffa-machah sei clay fashtambt.

Jesoiya 47:5

“Hokk dich anna un sei shtill, gay in's dunkla, du dochtah funn di Chaldayah. Du zaylsht nimmi di kaynich-fraw funn kaynich-reicha kaysa sei.

Jesoiya 47:7

Du hosht ksawt, ‘Ich zayl immah di kaynich-fraw sei!’ Avvah du hosht dee sacha nett ivvah-gedenkt, adda fanna naus gegukt vass blatz nemma kend.

Jeremia 49:16

Da angsht es du uf anri bringsht, un dei shtols hatz hott dich fafiaht, du es in di felsa-lechah voonsht drovva in di hivla. Even vann du dei nesht hohch machsht vi en awdlah, funn datt zayl ich dich runnah bringa.

Jeremia 50:21

Gay geyyich's land Merathaim un geyyich di leit in Pekod. Gay eena nohch un mach si folshtendich doht,” sawkt da Hah. “Du alles es ich dich gebodda habb.

Jeremia 50:25

Ich habb da blatz uf gmacht vo mei greeks-ksha kshtoaht is, un in mei zann habb ich's raus gebrocht. Fa da Hah, da Awlmechtich Gott, hott eahvet zu du im land funn di Chaldayah.

Jeremia 50:45

Fasell, heichet vass da Hah auskshaft hott geyyich Babylon, vass eah im sinn hott fa du geyyich's land funn di Chaldayah: Iahra glenni shiblen vadda vekk kshlayft, un iahra vayt-land vatt leah deich si.

Jeremia 51:11

Machet eiyah arrows shauf, un rishtet eich mitt eiyah shields. Da Hah hott di kaynicha funn Media ufkshtatt, veil eah ausgmacht hott fa Babylon folshtendich fadauva. Da Hah zayld auseeva, veil see sei tempel zammah grissa hott.

Jeremia 51:25

“Nau gukk moll, Babylon, ich binn geyyich dich, du berg es alles fadaubsht, du es di gans eaht fadaubsht,” sawkt da Hah. “Ich shtrekk mei hand naus geyyich dich, un roll dich ivvah di felsa-vanda nunnah; ich mach dich vi en fabrendah berg.

Jeremia 51:48

No zayld da himmel un di eaht un alles es drinn is greisha mitt frayt ivvah Babylon, veil iahra feinda funn di natt runnah kumma fa see fechta.” So sawkt da Hah.

Jeremia 51:56

Di feinda sinn kumma Babylon faveeshta, iahra greeks-gnechta vadda kfanga gnumma, un iahra bows vadda fabrocha. Fa da Hah is en Gott es zrikk betzawld, un eah zayld folshtendich zrikk betzawla.

Jeremia 51:58

Dess is vass da Awlmechtich Hah sawkt: “Babylon iahra dikki mavvahra vadda nunnah grissa, iahra hohchi doahra vadda ohkshtekt mitt feiyah. Di leit shaffa hatt, alles fa nix; di heida veahra sich aus, avvah doch vatt alles fabrend.”

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

Amos 9:2

Even vann si nunnah grawva in's grawb, funn datt zayld mei hand si hohla. Even vann si nuff in da himmel gayn, funn datt zayl ich si runnah bringa.

Amos 9:4

Even vann si kfanga vadda un vekk gnumma vadda bei iahra feinda, datt sawk ich em shvatt fa si doht macha. Ich zayl mei awwa uf si halda fa evil un nett fa goot.”

Habakuk 2:9

Vay zu eem es sei haus baut mitt uneahlich geld, un dutt sei nesht in di hay, fa's sayf halda funn di kfoah.