Jeremia 51:41 - Pennsylvania Dutch Bible

⁴¹ Vi is Sheshach kfalla, dee shtatt es uf gebraekt voah bei di gans eaht! Vi is Babylon so en shreklichah vundah vadda unnich di heida!

Jeremia 51:41 ပူးပေါင်းရင်းမြစ်များ

2. Chronik 7:21

Un veyyich demm tempel es so hohch gacht is nau, alli-ebbah es fabei gayt zayld fashtaund sei un zayld sawwa, ‘Favass hott da Hah dess gedu zu demm land un zu demm tempel?’

Jesoiya 13:19

Un Babylon, es shenshta in di kaynich-reicha, di hallichkeit funn di shtolsa Chaldayah, zayld ivvah-kshmissa sei bei Gott, so vi Sodom un Gomorra voahra.

Jesoiya 14:4

zaylsht du dess shpott-leet singa geyyich da kaynich funn Babylon: Da grohs nunnah-dreddah is an sei end kumma, sei heslich geraws is faddich.

Jeremia 25:26

un awl di kaynicha funn di natt nayksht un veit ab, ayns noch em anra—awl di kaynich-reicha uf di gans eaht. Un noch eena zayld da kaynich funn Sheshach es aw drinka.

Jeremia 49:25

Favass sinn di leit nett aus dee shtatt ganga, dee hohch-geaht un fraylich shtatt?

Jeremia 50:23

Vi oahrich is sellah hammah funn di gans veld fabrocha un fadauva vadda! Vi veesht un leah is Babylon vadda unnich awl di lendah!

Jeremia 50:46

Vann Babylon moll ivvah-gnumma vatt, zayld di gans eaht shidla; iahra engshtlich gegreish vatt keaht bei di anra lendah.”

Jeremia 51:37

Babylon zayld en shtay haufa vadda, en blatz fa vildi hund. See vatt en blatz funn seishi angsht un shpott, nimmand zayld datt voona.

Ezekiel 27:35

Awl selli am say nohch, sinn fashtaund ivvah dich; iahra kaynicha sinn yammahlich fagelshtaht, un furcht is uf iahra ksichtah.

Daniel 2:38

In dei hend hott eah di mensha, di diahra fumm feld un di fekkel funn di luft gedu. Eah hott dich da roolah gmacht ivvah si vo-evvah es si layva. Du bisht sellah kobb funn gold.

Daniel 4:22

du, oh kaynich, bisht sellah bohm! Du bisht grohs un shteik vadda; dei macht is so grohs vadda biss si nuff an da himmel langd, un dei reich gayt biss an's end funn di eaht.

Daniel 4:30

No hott eah ksawt, “Gukk moll an dess grohs Babylon es ich gebaut habb fa mei kaynich haymet. Ich habb dess gebaut mitt mei mechtichi graft, un fa mei aykni eah un hallichkeit.”

5. Mosi 28:37

Unnich di fremda leit es da Hah eich anna dreiva zayld vadda diah en shpott un vaddet falacht. Di leit vadda fashtaund mitt vass es gevva hott zu eich.