Jeremia 50:46 - Pennsylvania Dutch Bible

⁴⁶ Vann Babylon moll ivvah-gnumma vatt, zayld di gans eaht shidla; iahra engshtlich gegreish vatt keaht bei di anra lendah.”

Jeremia 50:46 ပူးပေါင်းရင်းမြစ်များ

Jesoiya 15:5

Mei hatz heild ivvah Moab, di leit henn sich vekk gebutzt biss an Zoar, so veit biss an Eglath-Shelishiya. Si gayn nuff uf em vayk zu Luhith am heila, uf em vayk noch Horonaim heila si laut ivvah alles es fadauva is.

Jesoiya 5:7

Da vei-goahra fumm Awlmechticha Hah, is es haus funn Israel, un di mennah funn Juda sinn di blansa es eem kfellich sinn. Eah hott gegukt fa leit iahra recht, avvah hott yusht iahra fagossa bloot ksenna; un fa gerechtichkeit, avvah hott si yusht keaht greisha fa hilf.

Jeremia 10:10

Avvah da Hah is da recht Gott; eah is da levendich Gott, un da ayvich Kaynich. Vann eah bays vatt, dann shiddeld di eaht; di heida kenna sei zann nett shtenda.

Jeremia 46:12

Di heida zayla heahra funn deim shohm; dei heiles fild di eaht. Ay greeks-gnecht fald ivvah da annah, un si falla awl zvay nunnah.”

Jeremia 49:19

“Vi en layb am ruff kumma aus em deefa bush fumm Jordan zu en gree vayt-land, so yawk ich di Edomiddah bletzlich vekk funn iahra land; un sellah es ich raus roof vatt ivvah si ksetzt. Veah is vi ich binn, un veah kann ufshtay geyyich mich fannich em richtah? Un vo is da shohf-heedah es ufshtay kann geyyich mich?”

Jeremia 49:21

Di yacht funn Edom am falla, zayld di eaht shidla macha; un iahra gegreish vatt keaht am Rohda Say.

Jeremia 51:29

Es land ziddaht un shiddeld, fa em Hah sei gedanka geyyich Babylon vadda folfild; naymlich, fa's land Babylon in en vildahnis macha, nimmand zayld datt voona.

Jeremia 51:54

“Ma heaht Babylon am greisha fa hilf, un di yacht funn en veesht fadauves kumd funn di Chaldayah iahra land.

Ezekiel 26:18

Nau ziddahra di leit am say nohch, uf da dawk es du kfalla bisht; di islands im say sinn fagelshtaht vi du unnah gaysht.

Ezekiel 27:28

Di lendah am say nohch shidla vann di shtiah-leit naus greisha.

Ezekiel 31:16

Ich habb di heida-leit gmacht ziddahra vo si een keaht henn falla an di zeit vo ich een nunnah zu di dohda in's grawb kshmissa habb. Awl di baym funn Eden, awl di beshta baym funn Lebanon, awl selli es vassah drinka, vadda gedrohsht in di veld funn dohdi mensha.

Ezekiel 32:10

Ich mach feel leit fashtaund ivvah dich, iahra kaynicha vadda fagelshtaht vann si sayna vass ich du zu diah, un vann ich mei shvatt zeek fannich eena. Yaydahs zayld ziddahra, un sich feicha fa sei layva, uf em dawk es du falsht.