Jeremia 50:28 - Pennsylvania Dutch Bible

²⁸ Heichet di leit ab es vekk kumma sinn funn Babylon, vi si fazayla in Jerusalem veyyich vi da Hah unsah Gott selli zrikk betzawld hott, fa sell vass si gedu henn zu sei tempel.

Jeremia 50:28 ပူးပေါင်းရင်းမြစ်များ

Jesoiya 48:20

Falosset Babylon, shpringet funn di Chaldayah! Greishet dess naus mitt frayt un losset's vissa. Shikket's vatt naus zu's end funn di eaht, un sawwet, “Da Hah hott sei gnecht da Jakob frei-kshteld.”

Jeremia 50:15

Greishet geyyich see gans um see rumm! See hott sich nau ufgevva, iahra poshta sinn kfalla, iahra vanda sinn nunnah grissa. Dess is da Hah am auseeva, so nemmet's aus uf see. Doond zu iahra vi see gedu hott zu anri.

Jeremia 51:45

Kummet raus funn datt, mei leit, shpringet fa eiyah layva, shpringet vekk fumm Hah sei gleedichah zann.

Jeremia 51:6

Shpringet vekk funn Babylon, diah leit funn Israel un Juda, un haldet eich funn doht gmacht sei bei em shtrohf funn iahra sinda. 'Sis em Hah sei zeit fa auseeva, eah gebt iahra zrikk vass see fadeend hott.

Glawk-Leedah 1:10

Da feind hott sei hand naus kshtrekt, ivvah awl iahra keshtlich sach. See muss zu gukka, diveil di heida in da heilich tempel gayn, selli es du fabodda hosht fa in dei fasamling kumma.

Daniel 5:23

In blatz funn sell hosht du dich ufkokt geyyich da Hah fumm himmel. Du hosht's ksha funn seim tempel do zu diah bringa glost, un du un dei evvahshti, eiyah veivah un dei nayva-veivah henn vei raus gedrunka. Diah hend di gettah funn silvah, gold, bronze, eisa, hols un shtay gepreist, dee es nett sayna, heahra adda fashtay kenna. Du hosht Gott nett di eah gevvah, deah es dei layva un dei vayya in sei hand haybt.

3. Mosi 26:25

Ich bring's shvatt uf eich veil diah mei bund gebrocha hend. Vann diah in eiyah shtett gaynd, dann shikk ich veeshti grankeda unnich eich, un diah fallet in di hend funn eiyah feinda.

5. Mosi 32:41

vann ich mei glitzahrichi shvatt vetz, un mei hand nemd's shvatt fa richta, dann doon ich mich auseeva ivvah mei feinda, un betzawl selli zrikk es mich hassa.