Jeremia 50:13 - Pennsylvania Dutch Bible

¹³ Deich em Hah sei zann zayld nimmand drinn voona; see zayld gans leah sei. Alli-ebbah es an Babylon fabei gayt zayld fashtaund sei, un zayld peifa mitt en shrekk veil see so vay gedu is.

Jeremia 50:13 ပူးပေါင်းရင်းမြစ်များ

Hiob 27:23

Mennah fashpodda een bei iahra hend zammah shlauwa, un peifa ivvah een vo-evvah es eah anna gayt.”

Jeremia 18:16

Si henn iahra land en veeshtah blatz gmacht, en blatz es ayvichlich nix gezayld vatt. Alli-ebbah es fabei gayt is fashtaund, un shiddeld sei kobb.

Jeremia 19:8

Ich reis dee shtatt zammah nunnah un mach si en blatz funn shpott; alli-ebbah es fabei gayt is fashtaund un fashpott si veil si so fadauva is.

Jeremia 25:12

Avvah vann di sivvatzich yoah moll ivvah sinn, zayl ich da kaynich funn Babylon, sei leit, un's land funn Babylon shtrohfa fa iahra shuld,” sawkt da Hah. “Ich zayl sell land faveesht leiya lossa fa'immah.

Jeremia 34:22

Ich gebb en gebott, sawkt da Hah, un bring si zrikk zu dee shtatt. Si zayla geyyich di shtatt fechta un zayla see nunnah brenna. Ich zayl di shtett funn Juda faveeshta so es nimmand datt voona kann.”

Jeremia 49:17

Edom vatt shreklich fadauva; alli-ebbah es fabei gayt zayld fashtaund sei, un zayld peifa mitt en shrekk veil see so fadauva is.

Jeremia 50:3

En land funn di natt is geyyich see kumma, un zayld iahra land en vildahnis macha. Nimmand zayld drinn voona; mensha un diahra sinn difunn ganga.”

Jeremia 51:26

Kenn shtay vatt gnumma funn diah fa en ekk-shtay, un aw nett fa en mavvah; du solsht en leahrah, veeshtah blatz sei fa'immah,” sawkt da Hah.

Jeremia 51:29

Es land ziddaht un shiddeld, fa em Hah sei gedanka geyyich Babylon vadda folfild; naymlich, fa's land Babylon in en vildahnis macha, nimmand zayld datt voona.

Jeremia 51:37

Babylon zayld en shtay haufa vadda, en blatz fa vildi hund. See vatt en blatz funn seishi angsht un shpott, nimmand zayld datt voona.

Jeremia 51:62

No sawk, ‘Oh Hah, du hosht ksawt es du deah blatz folshtendich fadauva zaylsht, so es kenn mensh adda diah drinn layva zayld, es zayld leah sei fa'immah.’

Ezekiel 27:36

Di kawf-leit in di lendah peifa ivvah dich in shpott; veil du zu en shreklich end kumma bisht, un zaylsht nee nimmi sei.’”

Zephania 2:15

Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.

Sacharia 1:15

Avvah ich binn oahrich zannich mitt di heida funn anri lendah es shtols sinn un kenn druvvel henn. Ich voah yusht bissel zannich mitt mei leit, avvah di heida es ich gyoost habb fa si shtrohfa henn si gmacht oahrich soffahra.’

5. Mosi 29:22

Eiyah kinnah un nohch-kummashaft un di ausahra funn fremdi lendah veit vekk, zayla di dreebsawl sayna es uf's land kumma is mitt di grankeda es da Hah druff gebrocht hott.