Jeremia 5:27 - Pennsylvania Dutch Bible

²⁷ Vi en hundah sei keahb foll fekkel macht, so sinn iahra heisah foll uneahlich shtoft; deich sell sinn si reich un shteik vadda.

Jeremia 5:27 ပူးပေါင်းရင်းမြစ်များ

Hiob 12:6

Di tents funn rawvah un doht-shlayyah bleiva shtay unni shawda, un nimmand dutt ebbes zu selli es Gott fa'eiyahra; avvah Gott hald si unnich sei aykni hand.

Jesoiya 3:14

Da Hah gayt in's gericht geyyich di eldishti un foah-gengah funn sei leit. “Diah sind selli es mei vei-goahra fadauva hend, un sell vass grawbt voah funn di oahma is in eiyah heisah.

Jeremia 12:1

Du bisht immah gerecht, oh Hah, vann ich mich faglawk zu diah. Doch, muss ich dich frohwa veyyich dei gerichtes: Favass gayt's goot mitt di gottlohsa? Favass gayt alles di unglawvicha iahra vayk?

Jeremia 8:5

So favass drayya dee leit vekk unni viddah zrikk drayya? Favass dutt Jerusalem immah vekk drayya? Si henka oh zu di falshheit, un doon's nett fa zrikk kumma.

Jeremia 9:6

Du voonsht unnich leit es fafiahra; deich iahra fafiahres fa'achta si mich.” So sawkt da Hah.

Hosea 12:9

“Avvah ich binn da Hah dei Gott, deah es dich aus Egypta gebrocht hott; ich mach dich viddah in tents voona, vi in di zeit funn di fesht-dawwa.

Micha 1:12

Selli es in Mavoth voona sinn am voahra fa's bessah havva, fa shreklichi sacha fumm Hah sinn runnah kumma, biss an's doah funn Jerusalem.

Zephania 1:9

Uf sellah dawk zayl ich selli shtrohfa es ivvah di shvella dredda, selli es iahra meishtah sei haus filla mitt shtoft deich shtayla un doht macha.

Di Offenbarung 18:2

Eah hott mechtichlich naus gegrisha mitt en shteiki shtimm, un hott ksawt, “See is kfalla, see is kfalla, di grohs Babylon is kfalla. See is di haymet vadda funn deivela, un alli grauslichah geisht bleibt datt, un aw alli unreinah un hassichah fokkel.