Jeremia 5:22 - Pennsylvania Dutch Bible

²² Seddet diah eich nett feicha veyyich miah?” sawkt da Hah. “Seddet diah nett ziddahra fannich miah? Ich habb da sand gmacht fa en lein am say nohch macha, en ayvichi lein es da say nett drivvah gay kann. Di vella kenna rolla, avvah's dutt si kenn goot, si kenna roahra, avvah si kenna nett drivvah gay.

Jeremia 5:22 ပူးပေါင်းရင်းမြစ်များ

1. Mosi 1:9

Un Gott hott ksawt, “Loss es vassah unnich em himmel zammah ksammeld sei an ay blatz, un loss es drukka land sich veisa.” Un's voah so.

1. Kaynicha 13:28

Eah is no naus ganga un hott's leib kfunna es nunnah kshmissa voah uf da vayk. Da aysel un da layb henn nayva droh kshtanna. Da layb hott's leib nett kfressa adda da aysel farissa.

Hiob 26:10

Eah hott da ring fumm himmel auskshtrekt ivvah da deef say, fa di helling un's dunkla funn-nannah halda.

Hiob 37:24

Fasell doon leit een firchta, un eah fa'acht selli es mayna si henn veisheit.”

Hiob 38:8

Veah hott da say eikshlossa hinnich doahra, vo eah raus gebrocha is es vi aus en muddahs-leib,

Psalm 104:9

Du hosht en blatz gmacht es di vassahra drinn bleiva missa, un si daufa nee nett zrikk kumma un di eaht viddah zu dekka.

Psalm 119:120

Ich feich mich so veyyich diah es ich ziddah, ich feich mich veyyich dei gerichtes.

Psalm 33:7

Eah sammeld di vassahra fumm say zammah vi in en boddel; eah shtoaht's vassah fumm say in shtoah-heisah.

Psalm 46:3

even vann sei vassahra roahra un shauma, un di berga kshiddeld vadda bei em say sei gvald. (Sela)

Psalm 99:1

Da Hah is Kaynich, loss di leit ziddahra; eah hokt uf em kaynich-shtool zvishich di cherubim, loss di eaht shidla.

Shpricha 8:29

Ich voah datt vo eah gebodda gevva hott zumm say, so es di vassahra nett veidah gayn es eah ksawt hott. Ich voah datt vo eah di foundations funn di eaht ausglaykt hott.

Jesoiya 50:2

Favass voah nimmand datt vo ich kumma binn? Vo ich groofa habb, favass hott nimmand andvat gevva? Voah mei oahm zu katz fa eich frei setza? Voah ich zu shvach fa eich zrikk hohla? Gukket moll, yusht bei zanka, dann drikkel ich da say uf, un mach di revvahra in en vildahnis, iahra fish gayn doht un fafaula, si fadashta unni vassah.

Jesoiya 64:2

So vi vann feiyah kindling ohshtekt un macht vassah kocha, kumm runnah un mach dei nohma bekand zu dei feinda, so es di heida ziddahra fannich diah!

Jesoiya 66:5

Heichet's vatt fumm Hah ab, diah es ziddahret funn seim vatt: “Eiyah breedah es eich hassa fa di sayk funn meim nohma, un nix zu du havva vella mitt eich, henn kshpott un ksawt, ‘Loss da Hah sei hallichkeit veisa, no kenna miah eiyah fraylichkeit sayna!’ Avvah si zayla fashohmd vadda.

Jeremia 10:7

Veah soll dich nett firchta, oh Kaynich funn di heida? Du bisht's veaht. Unnich awl di heida iahra mennah mitt veisheit, un unnich awl iahra kaynich-reicha, hott's nimmand vi dich.

Jeremia 2:19

Dei ungettlichkeit is di shuld es du kshlauwa vasht, bei mich falossa vasht du kshtrohft. Denk droh un fameik dess, vi evil un biddah es es is fa dich vann du da Hah dei Gott falosht, un hosht kenn furcht funn miah.” So sawkt da Hah, da Awlmechtich Hah.

Jeremia 31:35

Dess is vass da Hah sawkt, sellah es di sunn gebt fa helling deich da dawk, un da moon un di shtanna fa helling deich di nacht; sellah es da say uf shtatt so es di vella roahra— sei nohma is Da Awlmechtich Hah:

Daniel 6:26

Ich mach dess gebott es di leit ivvahrawlich in meim kaynich-reich da Gott fumm Daniel firchta un eahra sella. Eah is da levendich Gott, un zayld nee nett shteahva. Sei Kaynich-Reich gayt nee nett unnah, un sei Kaynich-Macht hott kenn end.

Amos 4:12

“Fasell zayl ich dess du zu eich, diah funn Israel, un veil ich dess du zu eich, rishtet eich, diah leit funn Israel, fa eiyah Gott ohdreffa.”

Amos 9:6

eah is sellah es sei haymet baut im himmel un di eaht ivvah-dekt mitt em himmel. Eah rooft's vassah im say, un leaht's ivvah di gans eaht— sei nohma is da Hah!

Jona 1:16

No henn di mennah sich oahrich kfeicht veyyich em Hah. Si henn em Hah en opfah gebrocht un henn en fashpreching gmacht zu eem.

Nahum 1:4

Eah zankt da say un macht en drukka, eah drikkeld awl di revvahra uf. Basan un Karmel drayya brau, un di blumma funn Lebanon favelka.

Matthäus 10:28

Feichet eich nett veyyich selli vo eiyah leib umbringa kenna avvah eiyah sayl nett umbringa kenna. Feichet eich avvah veyyich demm vo eiyah leib un sayl gans fadauva kann in di hell.

Markus 4:39

No is eah vakkah vadda, hott da vind gezankt un hott ksawt zumm say, “Ruich! Sei nau shtill!” Un da vind hott sich glaykt, un's voah ivvahrawlich gans shtill.

Lukas 12:5

Avvah ich sawk eich vemm zu feicha: feichet eich veyyich demm vo, noch demm es eah eich doht gmacht hott, hott di graft fa eich in di hell shtohsa; yau, ich sawk eich, feichet eich veyyich eem!

5. Mosi 28:58

Vann diah nett oahrich acht gevvet fa awl di vadda in demm ksetz halda es kshrivva sinn in demm buch, un da hallich un furchtboah nohma fumm Hah eiyah Gott firchta,

Di Offenbarung 15:4

Veah soll sich nett feicha funn diah, oh Hah, un dei nohma preisa? Fa du laynich bisht heilich. Di leit funn alli lendah zayla kumma un dich ohbayda. Fa dei gerechti verka sinn gvissa gmacht.”