Jeremia 49:7 - Pennsylvania Dutch Bible

⁷ Veyyich Edom: Dess is vass da Awlmechtich Hah sawkt: “Hott's kenn veisheit may in Theman? Is da roht faloahra ganga unnich di shmeahda? Is iahra veisheit fafauld?

Jeremia 49:7 ပူးပေါင်းရင်းမြစ်များ

1. Mosi 25:30

Da Esau hott no ksawt zumm Jakob, “Gebb miah samm funn selli roht subb, fa ich binn ball fahungaht.” Fasell henn si een Edom kaysa.

1. Mosi 27:41

Da Esau hott en hass katt geyyich da Jakob veil sei faddah een ksaykend hott mitt em sayya. Un da Esau hott ksawt in sei hatz, “'Sis glei zeit fa veina fa mei faddah sei doht. Noch sellem mach ich mei broodah doht.”

1. Mosi 32:3

No hott da Jakob mennah fanna naus kshikt fa vatt nemma zumm Esau, sei broodah im land Seir, in di landshaft funn Edom.

1. Mosi 36:11

Un di boova fumm Eliphas voahra da Theman, da Omar, da Zepho, da Gaetham un da Kenas.

1. Mosi 36:15

Dess voahra di evvahshti fumm Esau sei boova. Di boova fumm Esau sei eldshtah boo, da Eliphas, voahra dee evvahshti: da Theman, da Omar, da Zepho, da Kenas,

1. Mosi 36:34

Vo da Jobab kshtauva is, is da Husam fumm land funn di Themaniddah kaynich vadda.

1. Mosi 36:8

So is da Esau nivvah in di hivla funn Seir ganga. Da Esau is aw Edom.

1. Chronik 1:53

Kenas, Theman, Mibzar,

Hiob 2:11

Drei fumm Hiob sei freind voahra da Eliphas funn Theman, da Bildad funn Suah un da Zophar funn Naamah. Vo si auskfunna henn vass da Hiob am deich macha voah, henn si ausgmacht fa zammah kumma un gay een drayshta.

Hiob 4:1

No hott da Eliphas funn Theman ksawt,

Psalm 137:7

Oh Hah, fagess nett vass di Edomiddah ksawt henn uf em dawk vo Jerusalem kfalla is. Si henn ksawt, “Reis es nunnah, reis es nunnah biss uf da grund!”

Jesoiya 21:11

En zeiya veyyich Edom: Ebbah hald ohroofa zu miah funn Seir, “Vatsh-mann, vi lang biss di nacht ivvah is? Vatsh-mann, vi lang biss di nacht ivvah is?”

Jesoiya 29:14

Fasell zayl ich dee leit nochamohl fashtauna, mitt vundah noch vundah. Selli mitt veisheit zayla iahra veisheit faliahra, un da fashtand funn selli mitt goodah fashtand zayld fagay.”

Jeremia 12:14

Dess is vass da Hah sawkt veyyich mei ungettlichi nochbahra es di eahbshaft nemma es ich mei leit Israel gevva habb. “Ich zayl si ufvatzla funn iahra land, un zayl's haus funn Juda aus di mitt funn eena reisa.

Jeremia 18:18

Si henn ksawt, “Kummet, vella ausmacha vass miah du vella geyyich da Jeremia. Es zayla immah preeshtah sei fa uns lanna, mennah mitt veisheit fa uns roht gevva un brofayda fa Gott sei vadda sawwa. Vella een fanga bei sei aykni vadda fadrayya, un vella een nimmi abheicha.”

Jeremia 25:21

Edom, Moab un Ammon;

Jeremia 25:23

Dedan, Thema, Bus un awl selli es veit ab sinn;

Jeremia 25:9

dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Jeremia 49:20

Fasell, heichet vass da Hah auskshaft hott geyyich Edom, vass eah im sinn hott fa du geyyich selli es in Theman voona: Even iahra glenna shiblen vadda vekk kshlayft, un iahra vayt-land vatt leah deich si.

Jeremia 8:9

Eiyah mennah mitt veisheit vadda fashohmd, si zayla engshtlich sei un kfanga vadda. Si henn em Hah sei vatt nunnah gedrayt, so vass fa veisheit henn si nau?

Glawk-Leedah 4:21

Froi dich un sei fraylich, oh Dochtah funn Edom, du es im land funn Uz voonsht. Avvah's kobli kumd aw rumm zu diah; du vasht ksoffa un zaylsht dich nakkich macha.

Ezekiel 32:29

Edom is aw datt. Iahra kaynicha un feddahshti leiya mitt selli es doht gmacht voahra mitt em shvatt, even vann si als greftich voahra. Si leiya mitt di unbeshniddana, mitt selli es nunnah in's grawb gayn.

Daniel 11:41

Eah zayld aw rei in's Hallich Land kumma un feel zayla umkumma. Avvah dee zayla aus sei hend kalda sei: Edom, Moab un di evvahshti funn di kinnah fumm Ammon.

Joel 3:19

Egypta zayld en veesht leah land vadda, un Edom en drukkani vildahnis, veil si di leit funn Juda veesht gyoost henn, un henn unshuldich bloot fagossa datt.

Habakuk 3:3

Gott is funn Theman kumma, un Sellah es Heilich is fumm Berg Pharan. (Sela) Sei hallichkeit fild di himla, un sei lohb fild di eaht.

5. Mosi 23:7

Gukket nett nunnah uf en Edomiddah; eah is freindshaft mitt eich. Gukket nett nunnah uf en Egyptah veil diah moll fremdi leit voahret in seim land.