Jeremia 49:31 - Pennsylvania Dutch Bible

³¹ Gaynd nuff un fechtet's land es unbekimmaht is, un es unni kfoah laybt,” sawkt da Hah, “iahra shtett henn kenn doahra adda rikla; si voona laynich.

Jeremia 49:31 ပူးပေါင်းရင်းမြစ်များ

Psalm 123:4

Unsah sayl is gans foll mitt shpott funn di shtolsa, un mitt di fa'achtung funn di reicha.

Psalm 73:12

Gukket, dess sinn di gottlohsa; si henn kenn druvvel in di veld un si vadda reich.

Jesoiya 32:11

Ziddahret, diah veibsleit es en faul layva fiahret, druvlet eich, diah unbekimmahdi mayt! Nemmet eiyah glaydah ab, un doond sekk-glaydah um eich rumm.

Jesoiya 32:9

Diah veibsleit es so en faul layva fiahret, nemmet acht, un heichet mich ab, diah mayt es so unbekimmaht sinn, heichet vass ich zu sawwa habb!

Jesoiya 42:11

Losset di vildahnis un iahra shtett laut singa, un aw di shtetlen vo di Kedar-leit drinn voona. Losset di leit es in di felsa voona fraylich singa, losset si singa funn ovva uf di berga.

Jesoiya 47:8

Nau dann, heich moll zu demm, du es blesiah gleichsht, du es aus di kfoah hoksht, un sawksht in deim hatz, ‘Ich binn, un's is nimmand vi mich. Ich zayl nee kenn vitt-fraw sei, adda mei kinnah faliahra.’

Jeremia 48:11

“Funn yungem uf henn em Moab sei feinda een roowa glost. Sei leit voahra nee nett in di kfangashaft gnumma. Fasell is eah vi vei es nett ufkshtatt is, un nee nett funn aym haffa in da annah gleaht. Deich sell is sei kshmakk un flayvah nett fa'ennaht vadda.

Ezekiel 30:9

Uf sellah dawk zayld vatt naus kshikt vadda funn miah in shiffah fa's unbekimmaht land Kush fagelshtahra. Angsht zayld ivvah si kumma uf da dawk vann Egypta fald, un sellah dawk zayld geviss kumma.

Ezekiel 38:11

Du sawksht, “Ich zayl nuff gay geyyich's land mitt shtett es kenn mavvahra hott; ich zayl geyyich leit gay es in fridda un aus di kfoah voona, dee unni mavvahra, rikkel un doahra.

Ezekiel 39:6

Ich shikk feiyah uf's land Magog un uf selli es in fridda voona am say nohch. No zayla si vissa es ich da Hah binn.

Micha 7:14

Du avvah, heet dei leit mitt deim shtokk, dee drubb shohf funn dei eahbshaft, dee es bei sich selvaht sinn im bush, un in di fruchtboahra feldah. Loss si vayda in Basan un in Gilead, so vi in di dawwa lang zrikk.

Nahum 1:12

Dess is vass da Hah sawkt: “Even vann's feel funn eena sinn un si oahrich shteik sinn, doch zayla si abkshnidda sei un vekk gnumma vadda. Mei leit funn Juda, ich habb eich gedaymeedicht avvah ich daymeedich eich nimmi lengah.

Zephania 2:15

Dess is di fraylich shtatt es aus di kfoah voah. See hott zu sich selvaht ksawt, “Ich binn ebbes, un's is nimmand vi mich.” Vi fadauva is si vadda, en blatz fa vildi diahra! Alli-ebbah es fabei gayt, peift ivvah see, haybt sei hand uf un shpott.

4. Mosi 23:9

Funn di hohcha felsa sayn ich si, funn di hivla gukk ich si ivvah. Ich sayn en leit es laynich voona, un henn kenn dayl mitt di heida.

5. Mosi 33:28

So zayld Israel laynich voona unni kfoah; em Jakob sei shpring zayld in en land sei mitt frucht un neiyah vei, vo di himla da dau runnah falla lossa.