Jeremia 49:11 - Pennsylvania Dutch Bible

¹¹ Loss dei kinnah unni eldra bei miah, ich hald si levendich. Un eiyah vitt-veivah kenna iahra hofning aw in mich du.”

Jeremia 49:11 ပူးပေါင်းရင်းမြစ်များ

Psalm 146:9

Da Hah vatsht ivvah di fremda; eah gebt acht uf di kinnah unni eldra un di vitt-veivah, avvah da vayk funn di gottlohsa bringd eah zu nix.

Psalm 68:5

Gott is en faddah zu selli unni en faddah, un en helfah zu di vitt-veivah, diveil eah in seim heilicha tempel voond.

Psalm 82:3

Shtaynd uf fa di oahma un di kinnah unni eldra, helfet di shvacha un nunnah-gedreddana fa iahra recht greeya.

Hosea 14:3

Es land Assur kann uns nett helfa; miah vella nimmi uf greeks-geil reida. Miah vella nee nimmi sawwa zu di sacha es unsah hend gmacht henn, ‘Diah sind unsah gott’; fa in diah finna di kinnah unni eldra bamhatzichkeit.”

Jona 4:11

Sett ich nett feel may Nineveh davvahra, selli grohs shtatt mitt may es en hunnaht un zvansich dausend leit es nett vissa kenna zvishich iahra rechtsi un lingsi hand, un aw mitt feel fee?”

Sacharia 7:10

Dreddet nett nunnah selli es vitt-veivah sinn adda kenn eldra henn, un aw nett selli es fremdi sinn unnich eich, adda selli es oahm sinn. Un denket nett evil in eiyah hatza geyyich eiyah broodah.’

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

5. Mosi 10:18

Eah shtayt uf fa di kinnah unni eldra un fa di vitt-veivah. Eah hott di ausahra leeb un gebt eena ess-sach un glaydah.

1. Timotheus 5:5

En rechti vitt-fraw vo gans laynich is, hott iahra hofning uf Gott ksetzt un hald oh im gebayt dawk un nacht.

Jakobus 1:27

En Gottes-deensht es rein un sauvah is fannich Gott unsah Faddah, is vi dess: ma dutt di kinnah unni eldra un di vitt-veivah psucha in iahra dreebsawl, un dutt sich selvaht sauvah halda funn di veld iahra sacha.