Jeremia 49:10 - Pennsylvania Dutch Bible

¹⁰ Avvah ich habb da Esau gans blutt gmacht; ich habb di bletz abgedekt vo eah sich fashtekkeld hott, so es eah sich nimmi fashtekla kann. Sei kinnah, freindshaft un nochbahra sinn doht gmacht, un nimmand funn eena is ivvahrich.

Jeremia 49:10 ပူးပေါင်းရင်းမြစ်များ

Psalm 37:28

Da Hah leebt sell vass recht is, un falost nett sei shtandhaftichi. Si vadda aus di kfoah kalda fa'immah, avvah di nohch-kummashaft funn di gottlohsa vadda abkshnidda.

Jesoiya 17:14

Ohvets zayld bletzlich angsht sei, un eb meiyets sinn si nimmi. Dess is vass es gebt mitt selli es uns rawva, mitt selli es unsah shtoft nemma.

Jesoiya 45:3

Ich gebb diah keshtlichi sacha fumm dunkla, keshtlichi sacha in fashtekkeldi bletz, so es du vaysht es ich da Hah binn, da Gott funn Israel, deah es dich groofa hott bei deim nohma.

Jeremia 13:26

Ich selvaht zeek dei rokk ruff ivvah dei ksicht, so es dei shohm ksenna sei kann.

Jeremia 23:24

Kann ennich ebbah sich so goot fashtekla es ich een nett sayna kann?” sawkt da Hah. “Doon ich nett da himmel un di eaht uf filla?” sawkt da Hah.

Glawk-Leedah 4:22

Di shtrohf fa dei sinda zayld enda, oh Dochtah funn Zion, un du zaylsht nee nimmi vekk kfiaht vadda. Avvah du Dochtah funn Edom, eah zayld dei sinda shtrohfa, un dei ungerechtichkeit abdekka.

Amos 9:3

Even vann si sich fashtekla uf em Berg Karmel, datt such ich si un nemm si runnah. Even vann si sich fashtekla funn miah uf em bodda fumm say, datt sawk ich di shlang fa si beisa.

Obadia 1:6

Da Esau zayld gans fafolkt sei, sei fashtekkeld un keshtlich sach zayld alles kfunna sei.

Obadia 1:9

Dei greeks-gnechta, oh shtatt Theman, vadda fagelshtaht; alli-ebbah uf em Berg Esau vatt nunnah kshlauwa un doht gmacht.

Römer 9:13

So vi's kshrivva shtayt, “Da Jakob havvich leeb katt, avvah da Esau havvich kast.”