Jeremia 48:8 - Pennsylvania Dutch Bible

⁸ Da fadauvah zayld in alli shtatt kumma; kenn shtatt vatt fafayld. Di valley vatt faveesht, un's ayva land vatt fadauva, veil da Hah so ksawt hott.

Jeremia 48:8 ပူးပေါင်းရင်းမြစ်များ

Jeremia 15:8

Iahra vitt-veivah zayla may sei es vi da sand am say nohch. In di mitt fumm dawk bring ich aynah es fadaubt uf di maemma funn yungi mennah es umkumma sinn. Bletzlich bring ich angsht un bang uf si.

Jeremia 25:9

dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Jeremia 48:18

Kumm runnah funn dei hallichkeit, du dochtah es in Dibon voonsht, un hokk dich nunnah in da shtawb! Fa sellah es Moab faveesht kumd geyyich dich, un reist dei fashteikti shtett nunnah.

Jeremia 51:56

Di feinda sinn kumma Babylon faveeshta, iahra greeks-gnechta vadda kfanga gnumma, un iahra bows vadda fabrocha. Fa da Hah is en Gott es zrikk betzawld, un eah zayld folshtendich zrikk betzawla.

Jeremia 6:26

Oh mei leit, doond sekk-glaydah oh, un rollet eich in di esh; veinet un heilet biddahlich, so vi fa en aynsishtah sohn, fa da feind kumd bletzlich un zayld alles fadauva.

Ezekiel 25:9

dann loss ich di feinda selli shtett vekk butza an di lein nohch funn Moab. Sell sinn di shtett, Beth-Jesimoth, Baal-Meon un Kiriathaim es si so shtols sinn mitt.

Joshua 13:17

biss an Hesbon un awl di hohcha shtett funn Dibon, Bamoth-Baal, Beth-Baal-Meon,

Joshua 13:21

So hott iahra land awl di shtett uf em ayvana land eignumma un da Sihon, da kaynich funn di Amoriddah voah ivvah si awl. Eah hott in di shtatt Hesbon gvoond. Da Mosi hott een un di foah-gengah funn di Midianiddah gebodda katt im greek. Di foah-gengah voahra da Evi, da Rekem, da Zur, da Hur un da Reba. Awl dee foah-gengah henn kfochta katt mitt em Sihon geyyich da Mosi. Si henn in sellem land gvoond.

Joshua 13:9

Iahra land hott glangd funn Aroer vo's nunnah gayt in's deich funn Arnon un di shtatt in di mitt fumm deich, un's nemd aw's hohch land ei funn Medeba biss an Dibon.