Jeremia 48:13 - Pennsylvania Dutch Bible

¹³ No zayld Moab sich shemma veyyich iahra abgott Kemosh, so vi's haus funn Israel sich kshemd hott vo see iahra fadrauwa in Beth-El gedu hott.

Jeremia 48:13 ပူးပေါင်းရင်းမြစ်များ

1. Kaynicha 11:33

Ich zayl dess du veil si mich falossa henn, un henn di gettah-fraw Astharoth funn Sidon, da Kamos gott funn Moab un da Milkom gott funn Ammon gedeend. Si sinn nett in mei vayya gloffa un henn gedu vass recht is in mei awwa. Si henn aw mei adninga un gebodda nett kalda vi da Dawfit, em Solomon sei faddah, hott.

1. Kaynicha 11:7

Uf en hivvel east funn Jerusalem hott da Solomon en hohchah blatz gebaut fa da Kemosh, da grausam gott funn di Moabiddah, un fa da Moloch, da grausam gott funn di Ammoniddah.

1. Kaynicha 18:40

No hott da Elia ksawt zu eena, “Nemmet di brofayda fumm Baal fesht. Losset kenni vekk kumma!” Di leit henn si no awl fesht gnumma, no hott da Elia si nunnah kfiaht an di Grikk Kison, un hott si doht gmacht datt.

2. Chronik 25:15

Em Hah sei zann hott gebrend geyyich da Amazia, un eah hott en brofayt zu eem kshikt es ksawt hott zu eem, “Favass suchsht du di leit iahra gettah es iahra aykni leit nett aus dei hend halda henn kenna?”

Jesoiya 16:12

So vann di leit funn Moab an di hohcha awldah gayn dann veahra si sich yusht aus. Vann si an da awldah gayn fa bayda, dann richta si nix aus.”

Jesoiya 2:20

Im sellem dawk zayla mennah iahra silvahrichi un goldichi abgettah vekk shmeisa zu di mohls un fleddah-meis, dee sacha es si gmacht henn fa ohbayda.

Jesoiya 45:16

Awl di abgettah-machah zayla sich shemma, si zayla awl zammah fashohmd vadda.

Jesoiya 45:20

Fasamlet eich zammah un kummet, kummet zammah diah es ivvahrich sind funn di heida. Selli es holsichi abgettah rumm drawwa vissa nix; si bayda zu en gott es nett helfa kann.

Jeremia 48:12

Avvah di dawwa sinn am kumma,” sawkt da Hah, “vann ich leit shikk di heffa ausleahra; si macha di heffa leah un fabrecha si in shtikkah.

Jeremia 48:39

“Vi oahrich is eah fabrocha! Vi oahrich doon si heila! Vi oahrich drayt Moab sei bukkel in shohm! Moab is am fashpott vadda un's is angsht ivvahrawlich um een rumm.”

Jeremia 48:46

Vay zu dich, Moab! Faloahra sinn di leit funn Kemosh, fa dei boova un mayt sinn kfanga un vekk gedrawwa.

Jeremia 48:7

Veil du dich falosht uf dei verka un geld, zaylsht du aw kfanga vadda; un dei abgott Kemosh vatt vekk gnumma, un aw sei preeshtah un feddahshti.

Richtah 11:24

Nemsht du nett sell vass dei gott, da Kamos, diah gebt? So, vass da Hah unsah Gott uns gevvah hott, sell zayla miah halda.