Jeremia 48:12 - Pennsylvania Dutch Bible

¹² Avvah di dawwa sinn am kumma,” sawkt da Hah, “vann ich leit shikk di heffa ausleahra; si macha di heffa leah un fabrecha si in shtikkah.

Jeremia 48:12 ပူးပေါင်းရင်းမြစ်များ

Psalm 2:9

Du solsht si shlauwa mitt en eisichi root, un si in shtikkah fabrecha vi eahdich ksha.”

Jesoiya 16:2

Vi glenni fekkel ausnannah gayn es aus em nesht kshohva sinn, so sinn di veibsleit funn Moab am zrikk un faddi gay, am blatz vo ma ivvah da Arnon Revvah gayt.

Jesoiya 30:14

Si fald zammah in shtikkah vi eahdich ksha es alles fabrocha vatt. Si fald zammah in so glenni shtikkah es ma kenn grohs genunk shtikk finna kann fa en kohl ab fumm feiyah nemma, adda fa vassah aus en sistahn shebba.”

Jeremia 14:3

Iahra reichi shikka iahra gnechta fa vassah hohla; si gayn naus an di sistahns, avvah si finna kenn vassah. Si kumma zrikk mitt leahri ksharra; si henn moot faloahra un sinn bedreebt, si dekka iahra kebb zu.

Jeremia 19:10

No solsht du da eahdich tsheah fabrecha fannich di mennah es mitt diah gayn,

Jeremia 25:34

Brillet diah shohf-heedah, un heilet; rollet eich in di esh, diah foah-gengah funn di drubb. Eiyah zeit fa kshlacht sei is kumma; diah zaylet falla un fabrocha sei vi keshtlich ksha.

Jeremia 25:9

dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Jeremia 48:11

“Funn yungem uf henn em Moab sei feinda een roowa glost. Sei leit voahra nee nett in di kfangashaft gnumma. Fasell is eah vi vei es nett ufkshtatt is, un nee nett funn aym haffa in da annah gleaht. Deich sell is sei kshmakk un flayvah nett fa'ennaht vadda.

Jeremia 48:13

No zayld Moab sich shemma veyyich iahra abgott Kemosh, so vi's haus funn Israel sich kshemd hott vo see iahra fadrauwa in Beth-El gedu hott.

Jeremia 48:15

Moab un sei shtett sinn faveesht; iahra beshti yungi mennah sinn doht gmacht.” So sawkt da Kaynich, da Awlmechtich Hah.

Jeremia 48:38

Uf alli haus-dach in Moab un in awl di shtrohsa is vundahboah heiles ivvahrawlich, veil ich Moab fabrocha habb vi en glawsichah tsheah es nimmand vill.” So sawkt da Hah.

Jeremia 48:8

Da fadauvah zayld in alli shtatt kumma; kenn shtatt vatt fafayld. Di valley vatt faveesht, un's ayva land vatt fadauva, veil da Hah so ksawt hott.

Nahum 2:2

(Da Hah zayld di hallichkeit fumm Jakob zrikk bringa, vi di hallichkeit funn Israel, even vann di feinda si faveesht henn, un iahra vei-shtekk fadauva henn.)