Jeremia 48:10 - Pennsylvania Dutch Bible

¹⁰ Faflucht is sellah es em Hah sei eahvet dutt unni eahnsht! Faflucht is sellah es sei shvatt hald funn bloot fageesa!”

Jeremia 48:10 ပူးပေါင်းရင်းမြစ်များ

1. Kaynicha 20:39

Vo da kaynich fabei ganga is hott, da brofayt naus gegrisha zu eem, “Dei gnecht voah in di mitt funn di fecht, un ebbah hott en mann zu miah gebrocht un ksawt, ‘Heet deah mann es eah nett vekk kumd. Vann eah vekk kumd dann zayld dei layva gnumma sei fa sei layva. Adda du musht en dausend shtikkah silvah betzawla.’

1. Kaynicha 20:40

Diveil es dei gnecht am ebbes shunsht du voah, is da mann vekk kumma.” “Sell soll dei shtrohf sei,” hott da kaynich ksawt, “Du hosht selvaht ksawt vass gedu sei muss.”

1. Kaynicha 20:42

Eah hott ksawt zumm kaynich, “Dess is vass da Hah sawkt: ‘Veil du deah mann gay glost hosht—deah mann es ich raus ksetzt habb fa doht gmacht sei—dann zayld dei layva gay fa sei layva, un dei leit fa sei leit.’”

2. Kaynicha 13:19

Da mann funn Gott voah bays mitt eem un hott ksawt, “Du hetsht sedda si fimf adda sex mohl uf da bodda shlauwa. No hetsht du Syria nunnah kshlauwa biss du's end gmacht hetsht funn eena. Avvah nau zaylsht du si yusht drei mohl nunnah shlauwa.”

Jeremia 11:3

Sawk eena, dess is vass da Hah, da Gott funn Israel, sawkt: ‘Faflucht is sellah es nett dutt vi di vadda funn demm bund sawwa,

Jeremia 47:6

‘Oh du shvatt fumm Hah, vi lang zayld's sei biss du roowa zaylsht? Gay zrikk in dei leddah-sakk un hayb dich shtill.’

Jeremia 47:7

Avvah vi kann's shvatt roowa vann da Hah's gebott gevva hott, vann eah's gebott gevva hott fa Askalon shlauwa am say nohch?”

Jeremia 50:25

Ich habb da blatz uf gmacht vo mei greeks-ksha kshtoaht is, un in mei zann habb ich's raus gebrocht. Fa da Hah, da Awlmechtich Gott, hott eahvet zu du im land funn di Chaldayah.

Jeremia 50:27

Machet awl iahra yungi bulla doht, fiahret si nunnah in's shlacht-haus! Vay zu eena, fa iahra dawk is kumma, di zeit es si kshtrohft vadda sella.

Joshua 10:19

Avvah bleivet nett datt selvaht. Diah sellet eiyah feinda nohch gay un uf si lohs gay hinna-bei. Losset si nett in iahra shtett gay, fa da Hah eiyah Gott hott si ivvah-gedrayt in eiyah hend.”

Richtah 5:23

‘Faflucht sei di shtatt funn Meros,’ sawkt da engel fumm Hah, ‘en veeshtah fluch sei uf iahra leit, veil si nett kumma sinn em Hah helfa, em Hah helfa geyyich di mechticha.’

1. Samuel 15:3

Nau gay un fecht di Amalekiddah un butz alles vekk es si henn. Un shpoah si selvaht aw nett, mach alli-ebbah doht, mennah, veibsleit, kinnah, boblen, kee, shohf, kamayla un aysla.’”

1. Samuel 15:9

Avvah da Saul un di mennah henn da Agag nett doht gmacht, un aw nett di beshta shohf, oxa un di fedda hamlen un shiblen. Alles es goot voah, voahra si nett villing fa fadauva, avvah alles es si nett geglicha henn un es nix veaht voah, henn si alles doht gmacht.