Jeremia 43:11 - Pennsylvania Dutch Bible

¹¹ Eah zayld kumma un greek macha mitt Egypta, un zayld selli doht macha es es gmaynd is fa doht gmacht sei, fangd selli es es gmaynd is fa kfanga sei, un shlakt selli mitt em shvatt es es gmaynd is fa so kshlauwa sei.

Jeremia 43:11 ပူးပေါင်းရင်းမြစ်များ

Hiob 20:29

Dess is em gottlohsa mensh sei lohn funn Gott, sei eahbshaft es eem gevva is bei Gott.”

Jeremia 15:2

Un vann si dich frohwa, ‘Vo sella miah anna gay?’ sawk eena, ‘Dess is vass da Hah sawkt: Selli es gezayld sinn fa da doht, loss da doht kumma; selli es gezayld sinn fa's shvatt, loss es shvatt kumma; selli es gezayld sinn fa fahungahra, loss da hungah kumma; selli es gezayld sinn fa kfanga vadda, loss si kfanga vadda.’

Jeremia 25:15

Dess is vass da Hah, da Gott funn Israel ksawt hott zu miah: “Nemm dess kobli funn mei hand es kfild is mitt em vei funn mei zann un mach awl di leit's drinka es ich dich shikk ditzu.

Jeremia 25:19

da Pharao, da kaynich funn Egypta, sei gnechta, sei foah-gengah un awl sei leit,

Jeremia 42:22

Avvah nau kennet diah shuah sei veyyich demm: Diah zaylet shtauva beim shvatt, hungahs-noht un peshtelens am blatz es diah anna gay vellet fa voona.”

Jeremia 44:12

Ich nemm selli vekk es ivvahrich voahra in Juda un iahra meind uf gmacht henn fa noch Egypta gay un datt voona. Si zayla awl shtauva in Egypta. Si zayla falla beim shvatt un shtauva funn hungahs-noht. Fumm glenshta zumm grayshta zayla si shtauva beim shvatt un hungahs-noht. Si vadda en fluch, en kshpott, en shand un grausam.

Jeremia 44:13

Ich zayl selli es in Egypta voona shtrohfa mitt em shvatt, hungahs-noht un peshtelens vi ich selli kshtrohft habb in Jerusalem.

Ezekiel 29:11

Fa fatzich yoah zayld kenn mensha foos adda diahra foos deich's land gay un nimmand zayld datt voona.

Ezekiel 5:12

En driddel funn dei leit zayla shtauva funn peshtelens un hungahs-noht in dei mitt; en driddel vadda nunnah kakt beim shvatt ausa um dei vanda rumm, un en driddel zayl ich fashtroiya zumm vind un si yawwa mitt em shvatt.

Sacharia 11:9

No habb ich ksawt zu di drubb shohf, “Ich zayl nett eiyah heedah sei. Loss selli es shtauva sella, shtauva, un selli es umkumma sella, umkumma. Loss selli es ivvahrich sinn nannah iahra flaysh fressa.”

Di Offenbarung 13:10

Vann ennich ebbah im kfengnis sei soll, dann in's kfengnis soll eah gay. Vann ennich ebbah doht macht mitt em shvatt, dann muss eah mitt em shvatt doht gmacht sei. Do is da geduld un glawva funn di saylicha.