Jeremia 40:5 - Pennsylvania Dutch Bible

⁵ Eb da Jeremia eem andvat gevva hott kenna, hott da Nebusaradan ksawt, “Gay zrikk zumm Gedalia, em Ahikam sei boo, un em Saphan sei kinds-kind. Da kaynich funn Babylon hott een ivvah di shtett funn Juda ksetzt. Gay un voon mitt eem unnich di leit, adda ennich vo shunsht es es diah kfald.” No hott da hauptmann eem sei layves-middel un en kshenk gevva un hott een gay glost.

Jeremia 40:5 ပူးပေါင်းရင်းမြစ်များ

2. Kaynicha 22:12

No hott da kaynich dess gebott gevva zu em preeshtah Hilkia, em Saphan sei boo, da Ahikam, em Michaia sei boo, da Achbor, em shreivah Saphan un em kaynich sei gnecht, da Asaia:

2. Kaynicha 22:14

Da preeshtah Hilkia, da Ahikam, da Achbor, da Saphan un da Asaia sinn no zu di brofayda-fraw Hulda ganga. Iahra mann, da Sallum, voah em Thikwa sei boo, un eah voah em Harhas sei boo. Da Sallum hott acht gevva uf di glaydah. Di brofayda-fraw Hulda hott im zvedda dayl funn Jerusalem gvoond, un si henn no kshvetzt zu iahra.

2. Chronik 34:20

Un da kaynich hott en gebott gevva zumm Hilkia, em Saphan sei boo da Ahikam, em Micha sei boo da Abdon, em shreivah Saphan un em kaynich sei gnecht da Asaia, un hott ksawt,

Ezra 7:27

Glohbt sei da Hah, da Gott funn unsah foah-feddah, deah es es in's hatz fumm kaynich gedu hott fa's haus fumm Hah in Jerusalem hallich macha.

Ezra 7:6

Dess voah da Ezra es ruff kumma is funn Babylon. Eah voah en shrift-geleahrah un voah goot gland im Ksetz fumm Mosi es da Hah, da Gott funn Israel, gevva katt hott. Da kaynich hott eem alles gevva es eah kfrohkt hott difoah, veil di hand fumm Hah sei Gott uf eem voah.

Nehemia 1:11

Oh Hah, loss dei oah abheicha zumm gebayt funn dei gnecht, un zumm gebayt funn dei gnechta, dee es gleicha dei nohma uf hayva. Mach's alles goot ausshaffa fa dei gnecht heit fannich em kaynich.” Ich voah em kaynich sei vei-gevvah an selli zeit.

Hiob 22:29

Selli es sich daymeedicha, haybt eah uf, un selli es iahra awwa nunnah drayya, helft eah.

Shpricha 16:7

Vann en mann sei vayya kfellich sinn zumm Hah, dann macht eah even sei feinda in fridda layva mitt eem.

Shpricha 21:1

Em kaynich sei hatz is in di hand fumm Hah; vi vassah am lawfa, so fiaht eah eem sei hatz anna vo eah vill.

Jeremia 15:11

Da Hah hott ksawt, “Ich zayl geviss edlichi funn eich ivvahrich halda fa en goodi uahsach; ich zayl eiyah feinda macha eich bidda an di zeit funn angsht un noht.

Jeremia 26:24

Avvah veil da Ahikam, em Saphan sei boo, ufkshtanna hott fa da Jeremia, dann henn si een nett ivvah-gedrayt zu di leit fa doht gmacht sei.

Jeremia 39:14

gebodda kshikt un henn da Jeremia aus em foah-hohf fumm kfengnis gnumma. Si henn een ivvah-gedrayt zumm Gedalia, so es eah een haym nemd. Da Gedalia voah em Ahikam sei boo, un da Ahikam voah em Saphan sei boo. Sellah vayk is da Jeremia no bei sei aykni leit geblivva.

Jeremia 40:4

Heit zayl ich dich frei macha funn di kedda uf dei eahm. Kumm mitt miah zu Babylon vann du vitt, un ich gebb acht uf dich. Avvah vann du nett vitt, dann bleib do. Nau gukk, es gans land leit do fannich diah. Du kansht anna gay vo du vitt.”

Jeremia 41:1

Im sivvada moonet is da Ismael, em Nethania sei boo, un em Elisama sei kinds-kind, an Mizpa kumma. Da Ismael voah funn di kaynich nohch-kummashaft un voah ayns fumm kaynich sei greeks-leit ivvah-saynah. Eah is zumm Gedalia, em Ahikam sei boo, kumma mitt zeyya mennah. Diveil es si bei-nannah am essa voahra,

Jeremia 41:18

Si henn vella vekk funn di Chaldayah. Si henn sich kfeicht veyyich eena veil da Ismael, em Nethania sei boo es em Ahikam sei boo voah, da Gedalia doht gmacht katt hott—deah es da kaynich funn Babylon ivvah's land ksetzt katt hott fa govvenah sei.

Jeremia 41:2

is da Ismael, em Nethania sei boo, ufkshtanna mitt di zeyya mennah es bei eem voahra, un si henn da Gedalia, em Ahikam sei boo es em Saphan sei kinds-kind voah, nunnah kakt mitt em shvatt. Si henn sellah doht gmacht es da kaynich funn Babylon ivvah's land ksetzt katt hott fa govvenah sei.

Di Apostelgeschichte 27:3

Da neksht dawk sinn miah an Sidon kumma. Da Julius voah goot-maynich zumm Paulus un hott een glost zu sei goodi freind gay es si eem abvoahra kenna.

Di Apostelgeschichte 27:43

Avvah da hauptmann hott vella da Paulus levendich halda. So hott eah si kalda es si dess nett auskfiaht henn. No hott eah gebott gevva es dee vo shvimma kenna, sella in da say tshumba, un gay fa's land.

Di Apostelgeschichte 28:10

Si henn uns grohsi eah gedu, un vo miah datt vekk sinn henn si uns alles gevva es miah gebraucht henn.

Hebräer 13:6

So kenna miah sawwa mitt fadrauwung, “Da Hah is mei helfah; ich zayl mich nett feicha. Vass kann en mensh du zu miah?”