Jeremia 4:26 - Pennsylvania Dutch Bible

²⁶ Ich habb gegukt, un's fruchtboah land voah en vildahnis; awl di shtett henn fabrocha gleyya uf em bodda. Dess voah alles fannich em Hah deich sei gleedichah zann.

Jeremia 4:26 ပူးပေါင်းရင်းမြစ်များ

Psalm 107:34

Eah hott's fruchtboah land salsich un veesht gmacht, veil selli ungettlich voahra es datt gvoond henn.

Psalm 76:7

Avvah alli-ebbah soll sich feicha veyyich diah. Veah kann fannich diah shtay vann du bays bisht?

Jeremia 12:13

Si zayla vaytza sayya, avvah danna eahnda; si veahra sich aus, avvah greeya nix difoah. Deich em Hah sei gleedichah zann, missa si sich shemma veyyich iahra eahn.”

Jeremia 12:4

Vi lang zayld's land so drukka shtay un's graws in alli feld ufdrikla? Veil selli es drinn voona ungettlich sinn, sinn awl di diahra un fekkel doht ganga. Un di leit sawwa, “Eah zayld nett sayna vass es gebt mitt uns.”

Jeremia 25:11

Dess gans land zayld fadauva leiya un awl dee leit zayla da kaynich funn Babylon deena fa sivvatzich yoah.

Jeremia 7:34

In di shtett funn Juda un in di shtrohsa funn Jerusalem zayl ich en end bringa zu di shayna yachta funn frayt un kshpass, un aw di fraylicha shtimma fumm hochtzich-mann un di hochtzich-fraw. Es land zayld alles fadauva vadda.’”

Jeremia 9:10

Ich muss heila un veina fa di berga, un mich fayammahra veyyich em vayt-land in di vildahnis. Si sinn leah, un nimmand gayt deich si, un's fee heaht ma nett bladda. Di fekkel in di luft sinn fatt kflowwa, un di diahra sinn aw nimmi datt.

Glawk-Leedah 2:7

Da Hah hott sei awldah nunnah gedrayt, un sei heilichah tempel falossa. Eah hott di vanda funn di kaynich-heisah ivvah-gevva zu di feinda. Si henn gegrisha im Hah sei haus, vi als in en feiyah-dawk.

3. Mosi 26:31

Ich dray eiyah shtett zu trash, un reis eiyah tempels nunnah, un du's nett fa eiyah goot-shmakkichi opfahra shmakka.

Micha 3:12

Fasell, deich eich, zayld Zion geblookt vadda vi en feld; Jerusalem zayld en shtay haufa vadda, un da tempel hivvel vatt ivvah-gvaxa mitt veetz.

Zephania 1:18

Iahra silvah un iahra gold kann si nett aus di kfoah halda im dawk fumm Hah sei zann. In seim jealous feiyah zayld di gans veld fabrend sei, fa eah macht en bletzlich end funn alli-ebbah es uf di eaht voond.”