Jeremia 4:22 - Pennsylvania Dutch Bible

²² “Mei leit sinn dumm, si vissa nett veah ich binn. Vi kinnah, fashtayn si nix, un henn kenn eisicht. Si sinn goot am evil du, avvah si vissa nett vi fa goot du.”

Jeremia 4:22 ပူးပေါင်းရင်းမြစ်များ

1. Mosi 39:16

So hott see sei vammes bei sich kalda biss sei meishtah haym kumma is.

2. Samuel 13:3

Nau da Amnon hott en freind katt es Jonadab kaysa hott. Eah voah em Shimeah, em Dawfit sei broodah, sei boo, un voah en oahrichah shlichtichah mann.

Psalm 36:3

Di vadda funn iahra maul sinn gottlohs un falsh, si henn kenn veisheit may fa goot du.

Psalm 36:4

Si henn gottlohsi sacha im sinn diveil es si im bett sinn; si gayn naus uf en vayk es nett goot is, un si drayya evil nett nunnah.

Psalm 53:4

Doon selli es evil shaffa nett fashtay, selli es mei leit uf fressa vi broht, un roofa nett zu Gott?

Psalm 82:5

Dee gettah vissa nix, un fashtayn nix, si lawfa rumm im dunkla; awl di foundations funn di eaht sinn kshiddeld.

Shpricha 28:5

Leit es evil doon, fashtayn nett vass feah is, avvah selli es zumm Hah gukka, fashtayn's goot.

Jesoiya 1:3

Da ox vayst veah een aykend, un da aysel vayst vo sei ayknah een feedaht; avvah Israel vayst's nett, mei leit doon's nett fashtay.”

Jesoiya 27:11

Vann di nesht drukka sinn brecha si ab, un di veibsleit kumma un macha feiyah mitt'na. Fa dess is en leit es sacha nett fashtayn, so zayld sellah es si gmacht hott kenn bamhatzichkeit havva, un sellah es si kshaffa hott zayld nett gnaydich sei zu eena.

Jeremia 10:8

Si sinn awl dumm un nett ksheit, iahra holsichi abgettah kenna si nix lanna.

Jeremia 13:23

Kann en mann sei haut en anrah kollah macha, adda en leopard sei blakka abnemma? Grawt so kansht du nett goot du veil du gegvaynd bisht fa letz du.

Jeremia 2:8

Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Jeremia 4:21

Vi lang muss ich da greeks-flag sayna, un's blohs-hann heahra blohsa?

Jeremia 5:21

Heichet dess ab, diah leit unni eisicht un es nix fashtaynd, diah hend awwa, avvah kennet nett sayna, un hend oahra, avvah kennet nett heahra.

Jeremia 5:4

Ich habb gedenkt, “Dess sinn yusht di oahma, si sinn nett zu shmeaht, fa si vissa em Hah sei vayk nett, adda vass recht is in iahrem Gott sei awwa.

Jeremia 9:2

Oh, ich vott ich hett en blatz in di vildahnis, en blatz vo leit bleiva ivvah-nacht, so es ich mei leit falossa kend, un funn eena vekk zeeya; fa si sinn awl aybrechah, un en drubb zvay-ksichtichi leit.

Jeremia 9:3

“Si beeya iahra zunga vi en bow; iahra leeya un di unvoahret henn's land ivvah-gnumma. Si gayn funn ay evil ding zumm nekshta, avvah mich doon si nett achta.” So sawkt da Hah.

Jeremia 9:5

Alli-ebbah fafiaht sei nochbah, un sawkt di voahret nett; si henn iahra zunga gland leeya sawwa, si macha sich meet am sindicha.

Ezekiel 16:30

Vi shvach bisht du doch,’ sawkt da Awlmechtich Hah, ‘diveil es du dee sacha dusht, di sacha es en dikk-kebbichi huah dutt.

Hosea 4:1

Heichet zumm Hah sei vatt, diah Kinnah-Israel, fa da Hah hott en shuld zu bringa geyyich eich es im land voona: “Es is kenn shtandhaftichkeit, leevi adda bekendnis funn Gott im land.

Hosea 4:6

Mei leit gayn unnah veil si nett gland sinn. Veil du lanning nunnah gedrayt hosht, dann dray ich dich aw nunnah fa mei preeshtah sei. Veil du's ksetz funn dei Gott fa'acht hosht dann fa'acht ich aw dei kinnah.

Hosea 5:4

Iahra evili sacha es si doon lossa si nett zrikk drayya zu iahra Gott. Si henn en geisht funn huahrahrei im hatz, un doon da Hah nett kenna.

Amos 3:10

“Si vissa nett vi ma recht dutt,” sawkt da Hah, “selli es kshtohla sach shtoahra in iahra kaynich-heisah es gnumma voah mitt gvald.”

Micha 2:1

Vi shlecht zayld's sei fa selli es vakkah leiya, selli es shkeema in iahra beddah fa evil du! Vann meiyet kumd, dann gayn si un doon's, veil si di macht henn fa's du.

Micha 7:3

Iahra zvay hend sinn goot droh am letz du; di roolahs frohwa fa geld, un di richtah nemma geld hinna rumm. Di mechticha un reicha leit sawwa eena vass zu du, so shaffa si awl zammah.

Lukas 16:8

Da meishtah hott goot kshvetzt veyyich em uneahlich haus-haldah veil eah veisheit gvissa hott; fa di veldlichi leit es zu du henn mitt iahra aykni leit henn may veisheit veyyich demm es dee vo's licht henn.

Johannes 16:3

Un si doon dess veil si nett da Faddah adda mich gekend henn.

Römer 1:22

Diveil es si sich gnumma henn fa veisheit havva, sinn si narra vadda.

Römer 1:28

Un siddah es si nett gmaynd henn es es nohtvendich is fa vissa veyyich Gott, hott Gott si ivvah-gevva zu en unreini meind, fa di sacha du es si nett sedda.

Römer 16:19

Alli-ebbah hott keaht vi diah Gott nohch folyet. Fasell, froi ich mich ivvah eich, avvah ich vill havva es diah veisheit hend veyyich goodi sacha, un eich unshuldich haldet veyyich evili sacha.

Römer 3:11

es is nimmand es fashtayt, un nimmand es Gott sucht.

1. Korinther 14:20

Leevi breedah, seind nett kinnah in eiyah fashtendnis. Seind kinnah im baysa, avvah in eiyah fashtendnis seind ufgvaxa.

5. Mosi 32:28

Israel is en folk unni goodah roht, iahra gedanka sinn unni veisheit.

5. Mosi 32:6

Is dess da vayk es diah da Hah zrikk betzawlet, diah dummi un unkshikti leit? Is eah nett eiyah Faddah un eiyah Hah, deah es eich gmacht hott un ufketzt hott?