10 No habb ich ksawt, “Ach, Awlmechtichah Hah, du hosht dee leit un Jerusalem veesht fafiaht bei sawwa, ‘Diah zaylet fridda havva,’ diveil es en shvatt an iahra hels is.”
Si sawwa zu di saynah, “Gukket nimmi fa visions,” un zu di brofayda, “Broffetzeiyet nett zu uns vass recht is! Sawwet uns blesiahlichi sacha, losset uns gay in unsah blindi vayya.
Favass, oh Hah, machsht du uns vekk lawfa funn deim vayk, un machsht unsah hatza hatt so es miah dich nett firchta? Kumm zrikk fa's goot funn dei gnechta, un dei shtamma es dei eahbshaft sinn.
Si halda oh sawwa zu selli es mich nett gleicha, ‘Da Hah sawkt: Diah zaylet fridda havva.’ Un zu awl selli es iahra fashtokti hatza nohch gayn sawwa si, ‘Es gebt nix shlechtes zu eich.’
Uf em grund in di shtrohsa, leiya yungi un aldi. Mei leddichi mayt un yungi mennah sinn nunnah kfalla deich's shvatt. Du hosht si doht gmacht im dawk funn deim zann; du hosht si kshlachta unni bamhatzichkeit.
Nau diveil es ich am broffetzeiya voah, is da Pelatia, em Benaia sei boo, kshtauva. No binn ich nunnah kfalla mitt em ksicht uf da bodda un habb kfrohkt mitt en laudi shtimm, “Oh Awlmechtichah Hah! Zaylsht du dee es ivvahrich sinn funn Israel awl doht macha?”
Fasell, hott Gott si ufgevva zu di lusht funn iahra aykni hatza in unreinichkeit, un hott si glost shanda dreiva unnich nannah mitt iahra aykni leivah.
Un siddah es si nett gmaynd henn es es nohtvendich is fa vissa veyyich Gott, hott Gott si ivvah-gevva zu en unreini meind, fa di sacha du es si nett sedda.