Jeremia 39:11 - Pennsylvania Dutch Bible

¹¹ Da Kaynich Nebukadnezar funn Babylon hott dee gebodda gevva katt zu seim hauptmann da Nebusaradan veyyich em Jeremia:

Jeremia 39:11 ပူးပေါင်းရင်းမြစ်များ

Hiob 5:15

Eah hald di oahma vekk fumm shvatt in iahra maul, un aw funn di hand funn di mechticha.

Hiob 5:16

So henn di oahma hofning, un ungerechtichkeit muss sei maul zu macha.

Hiob 5:19

Aus em druvvel nemd eah dich sex mohl; even sivva mohl dutt evil diah kenn shawda.

Jeremia 1:8

Feich dich nett veyyich eena, fa ich binn bei diah, un gebb acht uf dich!” So sawkt da Hah.

Jeremia 15:11

Da Hah hott ksawt, “Ich zayl geviss edlichi funn eich ivvahrich halda fa en goodi uahsach; ich zayl eiyah feinda macha eich bidda an di zeit funn angsht un noht.

Jeremia 15:20

Ich zayl dich macha vi en vand zu dee leit, en mavvah shteik gmacht mitt bronze; si zayla geyyich dich fechta, avvah zayla dich nett ivvah-kumma, veil ich bei diah binn un dich aus di kfoah hald,” so sawkt da Hah.

Jeremia 15:21

“Ich hald dich aus di hand funn di ungettlicha, un nemm dich aus di hand funn di gvaldicha.”

Jeremia 37:2

Da kaynich un sei gnechta un di leit im land henn goah nix um di vadda gevva es da Hah ksawt hott deich da brofayt Jeremia.

Jeremia 40:1

Noch demm es da Hauptmann Nebusaradan da Jeremia lohs gedrayt hott an Rama, is es vatt fumm Hah zu eem kumma. Da Nebusaradan hott da Jeremia gebunna katt mitt kedda mitt awl di anra leit funn Juda es am noch Babylon gnumma gvest voahra.

Jeremia 40:4

Heit zayl ich dich frei macha funn di kedda uf dei eahm. Kumm mitt miah zu Babylon vann du vitt, un ich gebb acht uf dich. Avvah vann du nett vitt, dann bleib do. Nau gukk, es gans land leit do fannich diah. Du kansht anna gay vo du vitt.”

Jeremia 52:12

No uf em zeyyada dawk im fimfda moonet un im neintzayda yoah fumm Kaynich Nebukadnezar funn Babylon sei reich, is da Nebusaradan an Jerusalem kumma. Eah voah da hauptmann fumm kaynich sei aykni heedah, un voah em kaynich sei gnecht.

Di Apostelgeschichte 24:23

Da Felix hott en unnah-hauptmann kaysa da Paulus halda, un avvah fa een lossa frei sei, un sei freind lossa kumma een psucha un een faseiya.