Jeremia 33:2 - Pennsylvania Dutch Bible

² “Dess is vass da Hah sawkt, deah es di eaht gmacht hott, da Hah es see kshaft hott un es see in da blatz gedu hott—sei nohma is da Hah:

Jeremia 33:2 ပူးပေါင်းရင်းမြစ်များ

Psalm 102:16

Fa da Hah zayld Zion viddah ufbauwa, un zayld sich veisa in sei hallichkeit.

Psalm 87:5

Un veyyich Zion vatt's ksawt, “Deah un sellah voah datt geboahra, un da Alli-Haychsht selvaht baut di shtatt uf.”

2. Mosi 15:3

Da Hah is en greftichah greeks-mann; sei nohma is Hah.

2. Mosi 6:3

Un ich habb mich gvissa zumm Abraham, zumm Isaac un zumm Jakob es da Awlmechtich Gott. Avvah bei meim nohma, ‘Hah,’ havvich mich nett vissa glost zu eena.

Jesoiya 14:32

Vass sawkt ma zu selli es kumma frohwa funn di Philishtah? Ma sawkt es da Hah hott Zion ufkokt, in dee shtatt zayla sei leit es leida doon, fridda finna.

Jesoiya 37:26

Hosht du dess noch nett keaht? Lang zrikk habb ich dess ausgmacht. Siddah di alda zeida habb ich's im sinn katt, nau habb ich's gedu. Ich habb dich glost zu-gmavvahdi shtett in shtay-heifa macha.

Jesoiya 42:8

Ich binn da Hah; sell is mei nohma! Ich gebb mei hallichkeit zu nimmand shunsht, un mei lohb nett zu abgettah.

Jesoiya 43:1

Avvah nau, dess is vass da Hah sawkt, deah es dich kshaffa hott, oh Jakob, deah es dich gmacht hott, oh Israel: “Feich dich nett, fa ich habb dich frei gmacht; ich habb dich groofa bei deim nohma, du bisht mei.

Jesoiya 43:21

dee leit es ich kshaffa habb fa mich selvaht, so es si mich preisa un anri's vissa lossa.”

Jesoiya 62:7

Un gevvet eem kenn roo, biss eah Jerusalem ufsetzt un macht see glohbt ivvah di gans eaht.

Jeremia 10:16

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel, sei aykni leit gmacht. Sei nohma is da Awlmechtich Hah!

Jeremia 16:21

“Fasell, zayl ich si lanna,” sawkt da Hah, “dessamohl zayl ich si vissa lossa funn mei gvald un macht. No zayla si vissa es mei nohma da Hah is.”

Jeremia 32:18

Du veisht dei shtandhaftichi-leevi zu dausends, avvah du bringsht da shtrohf fa di feddah iahra sinda in di shohsa funn iahra kinnah noch eena. Oh grohsah un mechtichah Gott, dei nohma is Awlmechtichah Hah.

Jeremia 51:19

Da Gott fumm Jakob is nett vi dee; eah is sellah es alles kshaffa hott, un eah hott's kshlecht funn Israel sei aykni leit gmacht. Sei nohma is da Awlmechtich Hah!”

Amos 5:8

Sellah es di free-yoah un shpoht-yoah shtanna gmacht hott, es es dunkla funn di nacht in da meiya macht, un es di helling funn dawk in di nacht macht; sellah es shikt fa's vassah fumm say, un leaht's ivvah di gans eaht— sei nohma is da Hah.

Amos 9:6

eah is sellah es sei haymet baut im himmel un di eaht ivvah-dekt mitt em himmel. Eah rooft's vassah im say, un leaht's ivvah di gans eaht— sei nohma is da Hah!

Hebräer 11:10

Fa eah hott fanna naus gegukt fa en shtatt mitt en feshti mavvah, en shtatt es uf gedu un gebaut is bei Gott.

Hebräer 11:16

Avvah in blatz funn sell henn si en falanga katt fa en bessah land, sell is, ayns es himlish is. Fasell, dutt Gott sich nett shemma fa iahra Gott kaysa sei, fa eah hott en shtatt grisht fa si.

Di Offenbarung 21:10

Un eah hott mich vekk gedrawwa im Geisht zu en grohsah, hohchah hivvel. Datt hott eah miah di grohs shtatt, es heilich Jerusalem, gvissa am runnah kumma aus em Himmel funn Gott.

Di Offenbarung 21:2

Un ich, da Johannes, habb di heilich shtatt, di nei Jerusalem, ksenna runnah kumma funn Gott aus em Himmel. See voah grisht vi en hochtzich-maydel es sich shay ohgedu hott fa iahra mann.