Jeremia 33:16 - Pennsylvania Dutch Bible

¹⁶ In selli dawwa vatt Juda frei gmacht, un Jerusalem laybt aus di kfoah. Di shtatt vatt gnohmd: Da Hah Unsah Gerechtichkeit.”

Jeremia 33:16 ပူးပေါင်းရင်းမြစ်များ

Jesoiya 45:17

Avvah Israel zayld frei gmacht sei beim Hah, dess zayld en ayvichi frei-shtelling sei. Du zaylsht nee nimmi fashohmd adda gedaymeedicht vadda deich di gans ayvichkeit.

Jesoiya 45:22

Drayyet zu miah un vaddet saylich awl diah biss an's end funn di eaht, fa ich binn Gott, un's hott kenn anrah.

Jeremia 23:5

“Di dawwa sinn am kumma,” sawkt da Hah, “vann ich en gerechtah Nasht raus roof aus em Dawfit sei nohch-kummashaft, en Kaynich es roold mitt veisheit, un richt in gerechtichkeit im land.

Jeremia 23:6

In seina zeit zayld Juda frei gmacht sei, un Israel zayld aus di kfoah layva. Dess is da nohma es deah kaynich gayt dibei: ‘Da Hah Unsah Gerechtichkeit.’

Jeremia 30:10

So feich dich nett, mei gnecht Jakob, habb kenn angsht, oh Israel,’ sawkt da Hah, ‘Ich hohl eich zrikk funn veit ab, un eiyah nohch-kummashaft fumm land es eich kfanga hott. Da Jakob zayld viddah en fridlich un goot layva havva, nimmand zayld een sich feicha macha.

Jeremia 32:37

‘Gukk moll, ich zayl si zammah samla funn awl di lendah es ich si anna gedu katt habb vo ich gleedich bays un zannich voah; ich zayl si zrikk an deah blatz bringa un si do voona lossa aus di kfoah.

Jeremia 50:7

Veah-evvah es si kfunna hott, hott si ufkfressa; iahra feinda henn ksawt, ‘'Sis nett unsah shuld, veil si ksindicht henn geyyich da Hah. Eah is iahra rechtah voon-blatz, da Hah, di hofning es iahra foah-feddah katt henn.’

Ezekiel 28:26

Si zayla aus di kfoah voona datt, un zayla heisah bauwa un vei-goahra blansa. Yau, si zayla datt voona aus di kfoah, vann ich moll iahra nochbahra shtrohf, selli es si kast henn. No zayla si vissa es ich da Hah iahra Gott binn.’”

Ezekiel 38:8

Noch en langi zeit zaylsht du groofa vadda. In di shpaydahri yoahra zaylsht du geyyich en land gay es sich ufgebaut hott noch em greek; di leit voahra bei ksammeld funn feel lendah zu di berga funn Israel. Dess land voah lang leah gleyya. Di leit voahra bei gebrocht funn di anra lendah un nau voona si in fridda.

Ezekiel 48:35

Gans ausa um di shtatt rumm is sex meil. Un da nohma funn di shtatt funn selli zeit on hayst: DA HAH IS DATT”

Daniel 9:7

Du bisht gerecht, oh Hah, avvah miah missa uns shemma, so vi's gayt mitt di mennah funn Juda, di leit funn Jerusalem, gans Israel nayksht un veit vekk in awl di lendah es du uns anna gedrivva hosht veil miah nett shtandhaftich voahra mitt diah.

Römer 11:26

So soll gans Israel saylich vadda, vi's kshrivva shtayt, “Aus Zion kumd deah vo frei macht, un eah nemd's gottlohsa vekk fumm Jakob.

1. Korinther 1:30

Deich een sind diah in Jesus Christus, deah vo Gott gmacht hott unsah veisheit, gerechtichkeit, heilichkeit un saylichkeit sei.

2. Korinther 5:21

Fa eah hott een gmacht sinda sei fa uns, deah vo kenn sinda katt hott, so es miah in eem di gerechtichkeit funn Gott vadda kenna.

5. Mosi 33:12

Veyyich em Benjamin hott eah ksawt, “Deah leeblich fumm Hah soll sich nett feicha, fa eah heet een da gans dawk lang, un eah voond zvishich em Hah sei shuldahra.”

5. Mosi 33:28

So zayld Israel laynich voona unni kfoah; em Jakob sei shpring zayld in en land sei mitt frucht un neiyah vei, vo di himla da dau runnah falla lossa.

Philipper 3:9

un in eem kfunna sei kann. Ich habb kenn gerechtichkeit funn mei aykni es kumd fumm Ksetz, avvah yusht selli vo kumd deich da glawva an Christus—dess is di gerechtichkeit vass kumd funn Gott un vo gegrund is uf em glawva.

2. Petrus 1:1

Simon Petrus, en gnecht un en aposhtel funn Jesus Christus, zu selli es da keshtlich glawva grikt henn es gleicha is zu unsahm, deich di gerechtichkeit funn unsah Gott un Heiland, Jesus Christus.