Jeremia 31:37 - Pennsylvania Dutch Bible

³⁷ Dess is vass da Hah sawkt: “So vennich es di himla ovvich uns gmessa sei kenna, un di fuddahs funn di eaht unnich uns ausksucht sei kenna, so vennich shtohs ich vekk di nohch-kummashaft funn Israel fa alles es si gedu henn,” sawkt da Hah.

Jeremia 31:37 ပူးပေါင်းရင်းမြစ်များ

Hiob 38:18

Hosht du fashtanna vi brayt es di eaht is? Sawk miah's, vann du awl dess vaysht.

Psalm 89:2

Ich habb ksawt, “Dei shtandhaftichi-leevi shtayt fa'immah un dei shtandhaftichkeit is so fesht es da himmel selvaht.”

Shpricha 30:4

Veah is nuff in da himmel ganga un viddah runnah kumma? Veah hott da vind zammah gegeddaht in sei hend? Veah hott di vassahra in en glayt gvikkeld? Veah hott ausgmacht vo di endah funn di eaht sei sella? Vass is sei nohma, un vass is seim Sohn sei nohma? Vaysht du dess?

Jesoiya 40:12

Veah hott di vassahra gmessa mitt em dalla funn sei hand, adda di himla abgmeikt bei sei hand naus shtrekka? Veah hott da shtawb funn di eaht gmessa mitt en koahb, adda di berga gvohwa mitt en gvicht, un di hivla mitt en vohk?

Jesoiya 54:9

“Zu miah, dess is vi di dawwa fumm Noah, vo ich kshvoahra habb es di vassahra fumm Noah di eaht nee nimmi zu dekka zayla. So nau habb ich kshvoahra fa nimmi zannich sei mitt diah, un dich nee nimmi zanka.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Jeremia 30:11

Ich binn mitt diah un mach dich frei,’ sawkt da Hah. ‘Ich mach en end funn awl selli lendah vo ich eich ausnannah kshtroit habb drinn, avvah ich mach kenn folshtendich end funn eich. Ich shtrohf eich mitt vass recht is, avvah ich loss eich nett unkshtrohft gay.’

Jeremia 33:22

Vi di shtanna im himmel nett gezayld sei kenna, un da sand am say nett gmessa sei kann, so zayl ich mei gnecht da Dawfit, un di Lefiddah iahra nohch-kummashaft fameahra es mich deena.’”

Jeremia 46:28

Feich dich nett, mei gnecht Jakob; ich binn bei diah,” sawkt da Hah. “Even vann ich en end mach funn awl di lendah es ich eich ausnannah kshtroit habb drinn, doch mach ich kenn end funn diah. Ich zayl dich shtrohfa avvah yusht vass recht is; ich kann dich nett unkshtrohft gay lossa.”