Jeremia 31:36 - Pennsylvania Dutch Bible

³⁶ “So vennich es dee adninga fagayn fannich mei awwa,” sawkt da Hah, “so vennich zayld di nohch-kummashaft funn Israel selayva ufheahra mei folk sei fannich miah.”

Jeremia 31:36 ပူးပေါင်းရင်းမြစ်များ

Hiob 38:33

Vaysht du di adnunga funn di himla; kansht du selli adnunga ufsetza ivvah di eaht?

Psalm 102:28

Di kinnah funn dei gnechta zayla bleiva, un iahra nohch-kummashaft vatt ufgebaut fannich diah.”

Psalm 119:89

Dei vatt, oh Hah, is ayvichlich im himmel, un shtayt fesht fa'immah.

Psalm 148:6

Eah hott si in iahra blatz gedu fa'immah un immah. Eah hott en adning gevva es immah shtay bleibt.

Psalm 72:17

Loss sei nohma sei fa'immah, loss sei nohma shtay so lang es di sunn sheind. Deich een sella awl di heida ksaykend sei, un si zayla een preisa.

Psalm 72:5

Eah soll layva so lang es di sunn sheind un so lang es es en moon hott, funn nohch-kummashaft zu nohch-kummashaft.

Jesoiya 65:9

Ich bring nohch-kummashaft aus em Jakob, un aus em Juda en eahvah funn mei berga; mei groofeni leit zayla's land eahva, un mei gnechta zayla datt voona.

Jeremia 46:28

Feich dich nett, mei gnecht Jakob; ich binn bei diah,” sawkt da Hah. “Even vann ich en end mach funn awl di lendah es ich eich ausnannah kshtroit habb drinn, doch mach ich kenn end funn diah. Ich zayl dich shtrohfa avvah yusht vass recht is; ich kann dich nett unkshtrohft gay lossa.”

5. Mosi 32:26

Ich hett ksawt, ‘Ich zayl si gans ausnannah shtroiya, so es nimmand may an si denkt.’