Jeremia 30:16 - Pennsylvania Dutch Bible

¹⁶ Awl selli es dich kfressa henn vadda kfressa, awl dei feinda vadda kfanga un vekk gnumma. Selli es dich grawbt henn vadda grawbt, un selli es dich veesht gyoost henn, vadda veesht gyoost.

Jeremia 30:16 ပူးပေါင်းရင်းမြစ်များ

Psalm 129:5

Loss awl selli es Zion hassa kshohmd sei un zrikk gedrivva sei.

2. Mosi 23:22

Vann du sei shtimm abheichsht un alles dusht es ich sawk, dann zayl ich en feind sei zu dei feinda, un geyyich selli shaffa es geyyich dich shaffa.

Shpricha 22:23

fa da Hah zayld ufshtay fa si, un nemd's goot layva vekk funn selli es iahra recht vekk nemma.

Jesoiya 14:2

Ausahri leit zayla si nemma un si in iahra ayknah blatz bringa. Es Haus funn Israel zayld di heida ivvah-nemma un macht si gnechta un mawda im Hah sei land. Selli vo eahshtah Israel kfanga kohva henn, zayla nau kfanga sei bei Israel. Un di Israeliddah zayla ivvah selli roola vo si als nunnah gedrikt henn.

Jesoiya 33:1

Vay zu diah, du es faveeshta dusht, du selvaht voahsht nett faveesht! Un du fafiahrah, nimmand hott dich fafiaht! Vann du moll ufheahsht faveeshta, zaylsht du selvaht faveesht vadda; vann du moll shtobsht fafiahra, zaylsht du selvaht fafiaht vadda.

Jesoiya 54:15

Vann ennich ebbah shtreida dutt mitt diah, dann kumd's nett funn miah. Veah-evvah es shtreit ufshtatt mitt diah, zaylsht du di ivvah-hand greeya drivvah.

Jesoiya 54:17

Kenn greeks-ksha, es gmacht is fa geyyich dich sei, zayld goot ausshaffa, un alli zung es geyyich dich is im gericht, zaylsht du fadamma. Dess is di eahbshaft fa di gnechta fumm Hah, un iahra gerechtichkeit is funn miah,” sawkt da Hah.

Jeremia 10:25

Leah dei zann aus uf di heida, selli es dich nett kenna, uf di leit es dei nohma nett ohbayda. Fa si henn da Jakob ufkfressa; si henn een folshtendich ufkfressa, un henn sei haymet un land fadauva.

Jeremia 12:14

Dess is vass da Hah sawkt veyyich mei ungettlichi nochbahra es di eahbshaft nemma es ich mei leit Israel gevva habb. “Ich zayl si ufvatzla funn iahra land, un zayl's haus funn Juda aus di mitt funn eena reisa.

Jeremia 2:3

Israel voah heilich gvest zumm Hah, es eahsht-frucht funn sei eahn; alli-ebbah es gessa hott difunn hott sich shuldich gmacht, un evil is uf si kumma.”’” So sawkt da Hah.

Jeremia 25:12

Avvah vann di sivvatzich yoah moll ivvah sinn, zayl ich da kaynich funn Babylon, sei leit, un's land funn Babylon shtrohfa fa iahra shuld,” sawkt da Hah. “Ich zayl sell land faveesht leiya lossa fa'immah.

Jeremia 30:15

Favass glawksht du veil du vay gedu bisht? Dei shmatza kenna nett kshtobt sei. Deich dei grohsi shuld un feel sinda habb ich dee sacha gedu zu diah.

Jeremia 50:28

Heichet di leit ab es vekk kumma sinn funn Babylon, vi si fazayla in Jerusalem veyyich vi da Hah unsah Gott selli zrikk betzawld hott, fa sell vass si gedu henn zu sei tempel.

Jeremia 8:16

Di feinda iahra geil heaht ma shnaufa funn Dan. Iahra hengshta greisha, un's gans land shiddeld. Si sinn kumma's land uf fressa, un alles es drinn is, di shtatt un awl selli es drinn voona.”

Glawk-Leedah 1:21

Leit heahra mei geyammah, avvah's is nimmand fa mich drayshta. Awl mei feinda henn keaht funn mei aylend si froiya sich ivvah vass du gedu hosht. So loss doch da dawk kumma es du fashprocha hosht, so es es gayt mitt eena vi mitt miah.

Glawk-Leedah 1:22

Loss iahra ungerechtichkeit fannich dich kumma, un du si richta, so vi du mich gricht hosht fa awl mei sinda. Ich du feel yammahra, un mei hatz is bedreebt.”

Ezekiel 29:6

No zayla awl selli es in Egypta voona vissa es ich da Hah binn. Diah Egyptah voahret zu di Israeliddah vi en shtokk fa lawfa es gmacht voah aus en shtengel.

Ezekiel 35:5

Veil diah ayvichi feinda sind zu di Kinnah-Israel, un si ivvah-gedrayt hend zumm shvatt vo's eena shlecht ganga is an di zeit funn iahra letshtah shtrohf,

Joel 3:8

Ich zayl eiyah boova un mayt fakawfa zu di leit funn Juda, un si zayla si fakawfa zu di leit funn Sabea, en land veit vekk.” Dess is vass da Hah ksawt hott.

Micha 4:11

Avvah nau sinn feel heida-leit fasammeld geyyich dich. Si sawwa, “Loss see unrein sei, vella uf Zion gukka mitt fagunsht.”

Micha 7:10

No zayla mei feinda dess sayna, un shohm kumd ivvah see es ksawt hott zu miah, “Vo is da Hah dei Gott?” Mei awwa zayla see sayna diveil es see nunnah gedredda vatt, vi im drekk funn di shtrohsa.

Nahum 1:8

Avvah vi mitt en grohsi vassah flott, macht eah en end funn selli es geyyich een sinn; eah fafolkt sei feinda mitt finshtahnis.

Habakuk 2:16

Du zaylsht foll sei mitt shohm in blatz funn hallichkeit. So drink du nau un veis dei nakkichheit! Es kobli im Hah sei rechtsi hand kumd rumm zu diah, un shohm zayld dei hallichkeit zu dekka.

Zephania 2:8

“Ich habb's shpoddes keaht funn Moab un's geleshtah funn di Ammoniddah, Dee es mei leit faniddaht henn un gedroit henn fa iahra land funn eena vekk nemma.

Sacharia 1:14

Un da engel es am shvetza voah zu miah hott ksawt, “Breddich un sawk dee vadda: Dess is vass da Awlmechtich Hah sawkt: ‘Ich binn oahrich jealous ivvah Jerusalem un Zion.

Sacharia 1:15

Avvah ich binn oahrich zannich mitt di heida funn anri lendah es shtols sinn un kenn druvvel henn. Ich voah yusht bissel zannich mitt mei leit, avvah di heida es ich gyoost habb fa si shtrohfa henn si gmacht oahrich soffahra.’

Sacharia 12:2

“Gukket moll, ich zayl Jerusalem macha vi en kobli vei es awl di leit drumm rumm shtaekkahra macht vi ksoffani. Es ivvahricha funn Juda zayld aw ohgepakt vadda mitt Jerusalem.

Sacharia 14:2

Ich zayl aw awl di heida zammah geddahra an Jerusalem fa fechta geyyich di shtatt. Di shtatt zayld ivvah-gnumma sei, di heisah grawbt un di veibsleit vadda fashand. Dihelft funn di leit in di shtatt vadda vekk gnumma, avvah di ivvahricha in di shtatt bleiva datt.

Sacharia 2:12

Da Hah zayld Juda eahva fa sei dayl im heilicha land un zayld Jerusalem viddah sei shtatt macha.

Sacharia 2:8

Fa dess is vass da Awlmechtich Hah sawkt, deah es miah di eah gevva hott un mich kshikt hott geyyich di heida es eich grawbt henn: “Veah eich ohraykt, deah raykt da abbel funn meim awk oh.

5. Mosi 30:7

Da Hah eiyah Gott dutt no awl dee flucha uf eiyah feinda es eich hassa un eich fafolka.

Di Offenbarung 13:10

Vann ennich ebbah im kfengnis sei soll, dann in's kfengnis soll eah gay. Vann ennich ebbah doht macht mitt em shvatt, dann muss eah mitt em shvatt doht gmacht sei. Do is da geduld un glawva funn di saylicha.

1. Samuel 17:53

Di Kinnah-Israel sinn no zrikk kumma funn di Philishtah yawwa, un henn's sach aus di Philishtah iahra camp gnumma.