Jeremia 29:31 - Pennsylvania Dutch Bible

³¹ “Shikk dess vatt zu awl di vekk-kfiahra in Babylon: Dess is vass da Hah sawkt veyyich em Semaia funn Nehelam: Veil da Semaia gebroffetzeit hott zu eich, even vann ich een nett kshikt habb, un hott eich gmacht en leek glawva,

Jeremia 29:31 ပူးပေါင်းရင်းမြစ်များ

1. Kaynicha 13:18

Da ald brofayt hott ksawt, “Ich binn aw en brofayt, vi du bisht. Un en engel hott ksawt zu miah beim vatt fumm Hah, ‘Bring een zrikk mitt diah zu dei haus so es eah broht est un vassah drinkt.’” Avvah eah hott glowwa zu eem.

Jeremia 23:21

Ich habb dee brofayda nett kshikt, avvah doch sinn si kshprunga; ich habb nett kshvetzt zu eena, avvah doch henn si gebroffetzeit.

Jeremia 29:20

So nau heichet's vatt fumm Hah, awl diah es ich vekk kshikt habb funn Jerusalem zu Babylon.

Jeremia 29:30

No is dess vatt fumm Hah zumm Jeremia kumma:

Jeremia 29:9

Si broffetzeiya leeya in meim nohma. Ich habb si nett kshikt,” sawkt da Hah.

2. Petrus 2:1

Avvah's voahra aw falshi brofayda unnich di leit, grawt vi falshi teetshahs unnich eich sei zayla. Si zayla kfeahlichi lanning hinna rumm rei bringa, un zayla even da Hah falaykla vo si gekawft hott. Deich dess bringa si bletzlichi fadamnis uf sich selvaht.