Jeremia 27:14 - Pennsylvania Dutch Bible

¹⁴ Heichet nett ab zu di vadda funn di brofayda es sawwa zu eich, ‘Diah zaylet da kaynich funn Babylon nett deena,’ fa si broffetzeiya leeya zu eich.

Jeremia 27:14 ပူးပေါင်းရင်းမြစ်များ

Jeremia 14:14

No hott da Hah ksawt zu miah, “Di brofayda sinn am leeya broffetzeiya in meim nohma. Ich habb si nett kshikt, adda en gebott gevva adda kshvetzt zu eena. Si broffetzeiya falshi kshichta zu eich, voah-sawwes un abgettahrei, un macha sich selvaht falshi sacha veis.

Jeremia 23:21

Ich habb dee brofayda nett kshikt, avvah doch sinn si kshprunga; ich habb nett kshvetzt zu eena, avvah doch henn si gebroffetzeit.

Jeremia 23:25

“Ich habb keaht vass di brofayda sawwa. Dee es leeya broffetzeiya in meim nohma un sawwa, ‘Ich habb gedrohmd! Ich habb gedrohmd!’

Jeremia 28:15

No hott da brofayt Jeremia ksawt zumm brofayt Hanania, “Heich moll, Hanania! Da Hah hott dich nett kshikt, avvah du hosht gmacht es dee leit sich falossa uf leeya.

Jeremia 37:19

Vo sinn dei brofayda es ksawt henn zu diah, ‘Da kaynich funn Babylon zayld nett geyyich dich adda dess land kumma’?

Jeremia 38:22

Awl di ivvahricha veibsleit im kaynich-haus fumm kaynich funn Juda zayla raus gebrocht vadda zu di evvahshti fumm kaynich funn Babylon. Dess is vass si sawwa zayla zu diah: ‘Du hosht dei beshti freind gedraut; si henn ivvah-gnumma un dich fafiaht. Diveil es dei fees im drekk kshtokka henn, henn si dich falossa un dich shtekka glost.’

Glawk-Leedah 2:14

Vass dei brofayda diah ksawt henn voahra falshi un dummi leeya; si henn dei sind nett abgedekt, fa dich halda funn kfanga vadda. Di broffetzeiya es si diah gevva henn, voahra falsh un henn dich fafiaht.

Micha 2:11

Vann en leeyah un fafiahrah kumma dayt un sawwa, ‘Ich zayl broffetzeiya es diah blendi vei un drinkes havva zaylet,’ sell veah yusht di satt brofayt es diah havva vellet.

Sacharia 10:2

Di abgettah sawwa dummi sacha, un di voah-sawwah sayna visions es leeya, si fazayla iahra falshi drohma, un iahra drohsht maynd nix. Fasell, lawfa di leit rumm vi shohf, un sinn in druvvel veil si kenn heedah henn.

Matthäus 7:15

“Gevvet acht fa di falsha brofayda. Si kumma zu eich in shohf glaydah avvah innahlich sinn si velf es eich fareisa vella.

Philipper 3:2

Gevvet acht veyyich selli hund; gevvet acht veyyich selli evili un falshi sheffah; gevvet acht fa selli es sich beshneida lossa.

1. Johannes 4:1

Diah leeblichi, glawvet nett alli geisht, avvah broviahret di geishtah aus fa sayna eb si funn Gott sinn, fa feel falshi brofayda sinn naus in di veld ganga.