Jeremia 25:9 - Pennsylvania Dutch Bible

⁹ dann roof ich awl di leit funn di natt un mei gnecht da Nebukadnezar, da kaynich funn Babylon,” sawkt da Hah, “un ich bring si geyyich dess land un di leit es drinn voona, un geyyich awl di anra lendah drumm rumm. Ich fadaub si biss nix may ivvahrich is; ich mach si en kshpott, grausam un du si ayvichlich faveeshta.

Jeremia 25:9 ပူးပေါင်းရင်းမြစ်များ

2. Kaynicha 24:2

No hott da Hah greeks-drubba geyyich een kshikt funn Chaldaya, Syria, Moab un Ammon. Eah hott dee kshikt fa Juda zu nix bringa vi eah ksawt hott es eah zayld deich sei gnechta di brofayda.

2. Chronik 29:8

Fasell is em Hah sei zann uf Juda un Jerusalem kfalla. Eah hott si gmacht sich feicha un angsht havva un fashpott vadda, vi diah's sayna kennet mitt eiyah aykni awwa.

2. Chronik 36:21

So is es vatt fumm Hah es foahksawt voah beim Jeremia voah kumma. Es land hott endlich sei Sabbat-Roo katt, un hott fadauva datt gleyya fa sivvatzich yoah.

Shpricha 21:1

Em kaynich sei hatz is in di hand fumm Hah; vi vassah am lawfa, so fiaht eah eem sei hatz anna vo eah vill.

Jesoiya 10:5

“Vay zumm land Assur es ich yoos fa di root funn meim zann; in sei hand is da grohs shtekka funn meim zann.

Jesoiya 13:3

Ich habb gebodda gevva zu mei heilichi. Ich habb mei mechtichi greeks-gnechta bei groofa, selli shtolsa funn meina, fa mei zann ausdrawwa.

Jesoiya 39:7

Un samm funn dei nohch-kummashaft, dei ayya flaysh un bloot es zu diah geboahra vatt, zayld aw vekk gnumma vadda. Si zayla fashnidda vadda un zayla gnechta sei im kaynich-haus fumm kaynich funn Babylon.”

Jesoiya 44:28

deah es sawkt veyyich em Cyrus, ‘Eah is mei shohf-heedah, un zayld du vass ich havva vill; eah zayld sawwa veyyich Jerusalem, “Loss es ivvah gebaut sei,” un veyyich em tempel, “Loss da fuddah glaykt sei.”’”

Jeremia 1:14

Da Hah hott ksawt zu miah, “Funn di natt zayla shreklichi sacha ausgleaht sei, uf awl selli es im land voona.

Jeremia 1:15

Saynsht, ich zayl awl di leit roofa funn di kaynich-reicha in di natt,” sawkt da Hah. “Iahra kaynicha zayla kumma un iahra kaynich-shteel ufhokka fannich di doahra funn Jerusalem. Si zayla um iahra vanda ivvahrawlich rumm kumma, un geyyich awl di shtett funn Juda.

Jeremia 10:22

Heichet, en yacht is am kumma, en grohsi ufruah fumm land funn di natt! Dess zayld di shtett funn Juda fadauva un leah macha, en leahrah blatz vo vildi hund bleiva.

Jeremia 12:14

Dess is vass da Hah sawkt veyyich mei ungettlichi nochbahra es di eahbshaft nemma es ich mei leit Israel gevva habb. “Ich zayl si ufvatzla funn iahra land, un zayl's haus funn Juda aus di mitt funn eena reisa.

Jeremia 18:16

Si henn iahra land en veeshtah blatz gmacht, en blatz es ayvichlich nix gezayld vatt. Alli-ebbah es fabei gayt is fashtaund, un shiddeld sei kobb.

Jeremia 2:15

Di layb henn groaht ivvah een, si henn laut groaht. Si henn sei land veesht gmacht, sei shtett sinn fabrend un leah.

Jeremia 20:4

Da Hah selvaht sawkt dess, ‘Ich zayl dich en fagelshtahrah macha zu diah selvaht un zu awl dei freind. Du zaylsht si sayna falla bei em shvatt funn iahra feinda mitt dei aykni awwa. Ich zayl gans Juda ivvah-drayya zumm kaynich funn Babylon. Eah drawkt si vekk zu Babylon un macht si doht mitt em shvatt.

Jeremia 24:9

Ich mach si grausam un shreklich zu awl di kaynich-reicha uf di eaht. Vo-evvah es ich si ausnannah shtroi vadda si fashpott un faflucht. Si vadda en kshvetz un en shohm ivvahrawlich.

Jeremia 25:8

Fasell sawkt da Awlmechtich Hah dess: “Veil diah mei vadda nett abkeicht hend,

Jeremia 29:18

Ich gay eena nohch mitt em shvatt, hungahs-noht un peshtelens un mach si grausam zu awl di kaynich-reicha uf di eaht. Ich mach si en fluch, en shrekk, en shpott, un faniddah si unnich awl di lendah es ich si anna dreib.

Jeremia 35:11

Avvah vo da Kaynich Nebukadnezar funn Babylon in dess land kumma is, henn miah ksawt, ‘Kummet, vella noch Jerusalem gay fa vekk funn di Chaldayah un di Aramayah iahra greeks-gnechta.’ Siddah sellem henn miah do in Jerusalem gvoond.”

Jeremia 36:2

“Nemm en buch un shreib awl di vadda nei es ich ksawt habb veyyich Israel, Juda un awl di anra lendah, siddah es ich ohkfanga habb shvetza zu diah an di zeit fumm Josia biss nau.

Jeremia 36:29

Un sawk dess zumm Joiakim, da kaynich funn Juda, ‘Dess is vass da Hah sawkt: Du hosht's buch fabrend un hosht ksawt, “Favass hosht du in's buch kshrivva es da kaynich funn Babylon kumma zayld un dess land fadauva so es kenn mensha adda fee may drinn sinn?”

Jeremia 4:7

Vi en layb es aus seim hekka-nesht kumd, kumd sellah es di heida nunnah reist. Eah hott sei blatz falossa fa kumma eiyah land fadauva. Eiyah shtett zayla nunnah grissa vadda, un nimmand zayld drinn voona.

Jeremia 40:2

Vo da hauptmann da Jeremia kfunna hott, hott eah ksawt zu eem, “Da Hah dei Gott hott shreklich fadauves auskshprocha fa deah blatz.

Jeremia 43:10

No sawk zu eena, ‘Dess is vass da Awlmechtich Hah, da Gott funn Israel, sawkt: Ich zayl shikka fa mei gnecht Nebukadnezar, da kaynich funn Babylon, un setz sei kaynich-shtool ivvah dee shtay es ich do fagrawva habb. Eah zayld sei kaynich-tent ufsetza ivvah si.

Jeremia 46:20

Egypta is vi en shay rind, avvah di shtech-mukk is am kumma funn di natt.

Jeremia 49:19

“Vi en layb am ruff kumma aus em deefa bush fumm Jordan zu en gree vayt-land, so yawk ich di Edomiddah bletzlich vekk funn iahra land; un sellah es ich raus roof vatt ivvah si ksetzt. Veah is vi ich binn, un veah kann ufshtay geyyich mich fannich em richtah? Un vo is da shohf-heedah es ufshtay kann geyyich mich?”

Jeremia 6:1

“Shpringet aus di kfoah, diah kinnah funn Benjamin! Shpringet aus Jerusalem! Blohset's blohs-hann in Thekoa, un doond en sign uf in Beth-Cherem! Fa evil kumd aus di natt, un veesht fadauves.

Jeremia 8:16

Di feinda iahra geil heaht ma shnaufa funn Dan. Iahra hengshta greisha, un's gans land shiddeld. Si sinn kumma's land uf fressa, un alles es drinn is, di shtatt un awl selli es drinn voona.”

Ezekiel 12:20

Di shtett es leit drinn voona zayla nunnah gebrocha un leah vadda, un's land vatt veesht un falossa. No visset diah es ich da Hah binn.’”

Ezekiel 16:40

Si zayla feel leit geyyich dich bringa, un si zayla dich shtaynicha un dich in shtikkah hakka mitt iahra shvadda.

Ezekiel 21:11

Es shvatt is gevva fa sheinich gmacht sei, fa in di hand gnumma sei; es is kshliffa un sheinich gmacht, grisht fa di hand fumm doht-shlayyah.

Ezekiel 26:7

So dess is vass da Awlmechtich Hah sawkt: Funn di natt zayl ich da Kaynich Nebukadnezar funn Babylon, da kaynich funn kaynicha, geyyich Tyrus bringa mitt reidah un greeks-veyya, mitt geil-reidah un en grohsi army.

Ezekiel 36:5

dann dess is vass da Awlmechtich Hah sawkt: In di hitz funn meim zann habb ich kshvetzt geyyich di ivvahricha heida-lendah un geyyich gans Edom, dee es mitt frayt un fagunsht in iahra hatza mei land ivvah-gnumma henn fa iahra ayknes sei, so es si's vayt-land shtayla kenna.’

Daniel 5:18

Oh kaynich, da Alli-Haychsht Gott hott em Nebukadnezar, dei daett, en kaynich-reich, macht, eah un hallichkeit gevva.

Habakuk 1:12

Oh Hah, bisht du nett funn ayvichkeit heah? Mei Gott, mei Heilichah, hald uns funn shtauva. Oh Hah, du hosht si ufketzt fa uns richta; oh, unsah Felsa, du hosht si groofa fa uns shtrohfa.

Habakuk 1:17

Zayla si ohhalda iahra net ausleahra, un unni bamhatzichkeit anri lendah doht macha?

5. Mosi 28:37

Unnich di fremda leit es da Hah eich anna dreiva zayld vadda diah en shpott un vaddet falacht. Di leit vadda fashtaund mitt vass es gevva hott zu eich.