Jeremia 25:33 - Pennsylvania Dutch Bible

³³ An selli zeit zayla selli es doht gmacht voahra beim Hah, ivvahrawlich sei, funn ay end funn di eaht biss an's anra. Es zayld nimmand heila fa si un si zayla nett fagrawva vadda. Si zayla uf em bodda leiya vi misht.

Jeremia 25:33 ပူးပေါင်းရင်းမြစ်များ

2. Kaynicha 9:37

Un vass ivvahrich is funn di Jesebel zayld sei vi misht uf em grund um Jesreel rumm, so es nimmand sawwa kann, “Dess is di Jesebel.”’”

Psalm 79:3

Si henn iahra bloot ausgleaht vi vassah um Jerusalem rumm, un's voah nimmand datt fa si fagrawva.

Psalm 83:10

Si voahra umgebrocht an Endor, un sinn vadda vi misht uf em grund.

Jesoiya 5:25

Fasell brend em Hah sei zann hays geyyich sei leit; eah haybt sei hand uf geyyich si un shlakt si nunnah. Di berga shidla, un di dohda leit leiya vi trash in di shtrohsa. Doch lost sei zann nett nohch, un sei hand is alsnoch auskshtrekt fa shtrohfa.

Jesoiya 66:16

Fa mitt feiyah un mitt em shvatt, zayld da Hah di gans eaht richta, un feel leit vadda umgebrocht beim Hah.

Jeremia 8:2

Si zayla ausnannah kshtroit sei unnich di sunn un da moon un unnich awl di shtanna fumm himmel—dee es si leeb katt henn un gedeend henn, un dee es si nohch gloffa sinn, iahra roht kfrohkt henn un si ohgebayda henn. Si zayla nett zammah gnumma sei un fagrawva vadda, avvah zayla uf em grund leiya vi misht.

Ezekiel 21:11

Es shvatt is gevva fa sheinich gmacht sei, fa in di hand gnumma sei; es is kshliffa un sheinich gmacht, grisht fa di hand fumm doht-shlayyah.

Ezekiel 29:4

Avvah ich du hohka in dei maul, un mach di fish in dei revvahra zu diah henka. No zeek ich dich aus dei revvahra mitt awl di fish an diah henka.

Ezekiel 29:5

Un ich shmeis dich naus in di vildahnis, du un awl di fish in dei revvahra. Du falsht draus in's uffen feld un vasht nett ufkohva un fagrawva. Ich gebb dich fa ess-sach zu di diahra uf di eaht un di fekkel in di luft.

Zephania 2:12

“Diah Kushiddah zaylet aw umkumma bei mei shvatt.”

Di Offenbarung 11:9

Fa drei un a halb dawk zayla leit funn alli kshlechtah, shprohcha un lendah uf iahra dohdi leivah gukka un zayla si nett lossa si fagrawva.