Jeremia 25:15 - Pennsylvania Dutch Bible

¹⁵ Dess is vass da Hah, da Gott funn Israel ksawt hott zu miah: “Nemm dess kobli funn mei hand es kfild is mitt em vei funn mei zann un mach awl di leit's drinka es ich dich shikk ditzu.

Jeremia 25:15 ပူးပေါင်းရင်းမြစ်များ

Hiob 21:20

Loss si iahra shtrohf sayna mitt iahra aykni awwa, loss si selvaht da zann fumm Awlmechticha drinka.

Psalm 11:6

Uf di gottlohsa reyyaht eah feiyahrichi kohla un brennichah shvevvel. Iahra dayl zayld haysah vind sei.

Psalm 60:3

Du hosht dei leit gmacht soffahra, du hosht uns vei gevva zu drinka es uns macht shtaekkahra.

Psalm 75:8

Da Hah haybt en kobli in sei hand, kfild mitt shaumichah vei es goot gmixt is. Eah leaht's aus un awl di ungettlicha uf di eaht missa's drinka nunnah biss an da satz.

Psalm 75:9

Avvah ich shvetz veyyich demm fa'immah. Ich zayl lohb singa zumm Gott fumm Jakob.

Jesoiya 14:26

Dess is vass da Hah im sinn hott fa di gans veld; dess is di hand es eah naus shtrekt ivvah awl di heida.

Jesoiya 34:2

Da Hah is zannich mitt awl di heida, un sei zann is geyyich awl iahra greeks-leit. Eah zayld si folshtendich umbringa, un gebt si ivvah fa kshlachta sei.

Jesoiya 51:17

Vekk uf, vekk uf, un shtay uf, Jerusalem, du es fumm Hah sei hand sei kobli funn zann gedrunka hosht, du es da letsht drobb gedrunka hosht, un's hott dich shtaekkahra gmacht.

Jesoiya 51:22

Dess is vass dei Awlmechtichah Hah sawkt, dei Gott es ufshtayt fa sei leit: “Gukk moll, ich habb's kobli aus dei hand gnumma, es kobli es dich ksoffa macht. Du solsht nimmi aus sellem kobli funn zann drinka.

Jesoiya 51:23

Ich du's kobli in di hand funn dei nunnah-drikkah, selli es ksawt henn zu diah, ‘Layk dich anna so es miah ivvah dich lawfa kenna.’ Un du hosht dei bukkel gmacht vi da grund, vi en shtrohs es leit drivvah lawfa.”

Jeremia 1:5

“Eb ich dich kshaffa habb im muddahs-leib, habb ich dich gekend, eb du geboahra voahsht, habb ich dich raus ksetzt; ich habb dich eiksetzt fa en brofayt sei zu alli leit.”

Jeremia 36:2

“Nemm en buch un shreib awl di vadda nei es ich ksawt habb veyyich Israel, Juda un awl di anra lendah, siddah es ich ohkfanga habb shvetza zu diah an di zeit fumm Josia biss nau.

Jeremia 43:11

Eah zayld kumma un greek macha mitt Egypta, un zayld selli doht macha es es gmaynd is fa doht gmacht sei, fangd selli es es gmaynd is fa kfanga sei, un shlakt selli mitt em shvatt es es gmaynd is fa so kshlauwa sei.

Jeremia 45:5

Bisht du am grohsi sacha sucha fa dich selvaht? Such si nett. Fa ich zayl shreklichi sacha uf alli leit bringa,’ sawkt da Hah, ‘avvah ich loss dich frei gay mitt deim layva vo-evvah es du anna gaysht.’”

Jeremia 46:1

Dess is es vatt fumm Hah es zumm brofayt Jeremia kumma is veyyich awl di heida-lendah.

Jeremia 48:26

“Mach een ksoffa fa eah hott sich geyyich da Hah kshteld. Loss een in seim kotz rumm rolla, un loss di leit lacha ivvah een.

Jeremia 49:12

Dess is vass da Hah sawkt, “Vann selli es es nett fadeend henn es kobli funn shtrohf drinka missa, favass setsht du nett kshtrohft sei? Du gaysht nett unkshtrohft; du musht's drinka.

Jeremia 51:7

Babylon voah en goldich kobli im Hah sei hand, see hott di gans eaht ksoffa gmacht. Di heida henn iahra vei gedrunka un fasell sinn si aus em kobb ganga.

Ezekiel 23:32

Dess is vass da Awlmechtich Hah sawkt: Du zaylsht dei shveshtah iahra kobli drinka, en kobli es grohs un deef is; du zaylsht fashpott un falacht sei, veil's kobli so feel haybt.

Ezekiel 23:33

Du vasht ksoffa un kfild mitt dreebsawl, es kobli haybt yammahres un angsht, dess kobli funn dei shveshtah Samaria.

Ezekiel 29:12

Ich mach's land funn Egypta leah unnich di anra faveeshti lendah, un iahra shtett mach ich leah fa fatzich yoah unnich di anra veeshta shtett. Ich zayl di Egyptah ausnannah shtroiya unnich di heida in anri lendah.

Ezekiel 36:5

dann dess is vass da Awlmechtich Hah sawkt: In di hitz funn meim zann habb ich kshvetzt geyyich di ivvahricha heida-lendah un geyyich gans Edom, dee es mitt frayt un fagunsht in iahra hatza mei land ivvah-gnumma henn fa iahra ayknes sei, so es si's vayt-land shtayla kenna.’

Obadia 1:16

So vi diah gedrunka hend uf meim heilicha hivvel, so zayla awl di heida immah drinka. Si zayla drinka un drinka, un zayla sei es vann si nee nett gvest veahra.

Habakuk 2:16

Du zaylsht foll sei mitt shohm in blatz funn hallichkeit. So drink du nau un veis dei nakkichheit! Es kobli im Hah sei rechtsi hand kumd rumm zu diah, un shohm zayld dei hallichkeit zu dekka.

Di Offenbarung 14:10

dann zayld eah aw da vei funn Gott sei zann drinka, deah vei vo ausgleaht is in sei kobli funn zann unni fadinnaht vadda. Un eah zayld kshtrohft sei mitt feiyah un shvevvel fannich di heilicha engel un em Lamm.

Di Offenbarung 14:19

No hott da engel sei sichel uf di eaht kshvunga un hott di drauva funn di eaht gegeddaht, un hott si in di grohs vei-press funn Gott sei zann kshmissa.