Jeremia 24:5 - Pennsylvania Dutch Bible

⁵ “Dess is vass da Hah, da Gott funn Israel sawkt: ‘Ich nemm di gooda feiya vi di leit es vekk gnumma voahra funn Juda, dee es ich do vekk gnumma habb un si nivvah in's land funn Babylon kshikt.

Jeremia 24:5 ပူးပေါင်းရင်းမြစ်များ

Psalm 119:67

Eb ich gedaymeedicht voah, binn ich als letz ganga, avvah nau hald ich dei vatt.

Psalm 119:71

Es voah goot es ich gedaymeedicht voah, so es ich dei gebodda lanna habb kenna.

Jeremia 24:4

No is em Hah sei vatt zu miah kumma:

Jeremia 29:11

Fa ich vays di gedanka es ich im sinn habb fa eich,” sawkt da Hah, “gedanka fa eich goot du un nett fa eich shawda du; gedanka fa eich hofning gevva fa shpaydah naus.

Jeremia 29:20

So nau heichet's vatt fumm Hah, awl diah es ich vekk kshikt habb funn Jerusalem zu Babylon.

Jeremia 29:4

Dess is vass da Awlmechtich Hah, da Gott funn Israel, sawkt zu awl selli es eah fatt kfiaht hott funn Jerusalem zu Babylon:

Ezekiel 11:17

So sawk du, ‘Dess is vass da Awlmechtich Hah sawkt: Ich zayl eich zammah bringa un eich zrikk bringa funn di lendah es ich eich ausnannah kshtroit katt habb, un ich gebb eich's land funn Israel viddah zrikk.’

Ezekiel 11:20

so es si in mei gebodda lawfa un mei adnunga halda un si doon. No zayla si mei leit sei un ich zayl iahra Gott sei.

3. Mosi 26:44

Avvah fa awl dess, vann si im land funn iahra feinda sinn, dann zayl ich si nett falossa, un si zayla miah nett so ayklich vadda es ich si gans ausreib. Ich zayl mei bund nett brecha mitt eena. Ich binn da Hah iahra Gott.

Nahum 1:7

Da Hah is goot, un is en feshtah-blatz an di zeit funn druvvel; eah gebt acht uf selli es iahra fadrauwa in een doon.

Sacharia 13:9

Dess driddel dayl zayl ich deich's feiyah du, un's reinicha vi ma silvah shmelst un's reinich macht, un aw vi gold greinicht vatt. Si zayla mei nohma ohroofa, un ich gebb eena andvat. Ich zayl sawwa, ‘Si sinn mei leit,’ un si sawwa, ‘Da Hah is unsah Gott.’”

Matthäus 25:12

Avvah eah hott ksawt, ‘Voahlich, ich sawk eich, ich kenn eich nett.’

Johannes 10:27

Mei shohf heahra mei shtimm, ich kenn si, un si kumma miah nohch.

Römer 8:28

Miah vissa es alli sacha ausshaffa fa goot fa selli es Gott leeva, fa selli vo groofa sinn so vi Gott's foah-gezayld hott,

1. Korinther 8:3

Avvah vann ennich ebbah Gott leeb hott, sellah is gekend bei Gott.

Galater 4:9

Avvah nau, noch demm es diah Gott kennet, adda nay, nau es diah gekend sind bei Gott, favass vellet diah viddah zrikk drayya zu selli shvacha un eahmlichi sacha? Vellet diah viddah iahra gnechta vadda?

5. Mosi 8:16

In di vildahnis hott eah eich manna gevva zu essa, sell es eiyah foah-feddah nett gekend henn, so es eah eich daymeedicha un fasucha hott kenna, un eich goot du hott kenna am end.

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”

Di Offenbarung 3:19

Selli es ich leeb habb doon ich zanka un shtrohfa. So sei fleisich, dray rumm un du boos.