Jeremia 23:30 - Pennsylvania Dutch Bible

³⁰ Fasell,” sawkt da Hah, “binn ich geyyich selli brofayda es nannah iahra vadda shtayla, un sawwa si sinn mei vadda.

Jeremia 23:30 ပူးပေါင်းရင်းမြစ်များ

Psalm 34:16

'S ksicht fumm Hah is geyyich selli es evil doon, so es si gans fagessa sinn uf di eaht.

Jeremia 21:13

Ich binn geyyich dich, du es ovvich em deich voonsht vi en felsa is raus shtekt ovvich em ayvana,’ sell sawkt da Hah. ‘Diah mennah sawwet, “Veah kann geyyich uns kumma? Veah kann do in unsah shteikah blatz nei kumma?”

Jeremia 23:31

Yau,” sawkt da Hah, “Ich binn geyyich di brofayda es iahra aykni vadda sawwa un sawwa no, ‘So sawkt da Hah.’

Jeremia 44:11

So dess is vass da Awlmechtich Hah, da Gott funn Israel, sawkt: Nau gukket, ich zayl mei ksicht geyyich eich setza un eich letz du, un zayl gans Juda abshneida.

Jeremia 44:29

Dess zayld da zaycha sei zu eich es ich eich shtrohfa zayl in demm blatz,’ sawkt da Hah, ‘so es diah vissa kennet es mei vadda geyyich eich shtayn fa eich shawda du.’

Ezekiel 13:20

So dess is vass da Awlmechtich Hah sawkt: Ich binn geyyich eiyah zaubah-banda es diah yooset fa sayla fanga vi fekkel, un ich reis si ab funn eiyah eahm. Ich setz di sayla frei es diah fanget vi fekkel.

Ezekiel 13:8

Fasell, dess is vass da Hah sawkt: Veil diah falshi vadda sawwet un leeya saynet, dann binn ich geyyich eich, sawkt da Awlmechtich Hah.

Ezekiel 15:7

Ich zayl mei ksicht geyyich si setza. Si sinn aus ay feiyah kumma, avvah doch zayld's feiyah si ufbrenna. Un vann ich mei ksicht moll geyyich si setz dann zaylet diah vissa es ich da Hah binn.

3. Mosi 20:3

Ich zayl mei ksicht geyyich sellah mann setza un een abshneida funn sei leit. Veil eah sei kinnah zumm Moloch gevva hott, hott eah mei fasamling-tent unrein gmacht un mei heilichah nohma fashohmd.

3. Mosi 26:17

Ich setz mei ksicht geyyich eich so es eiyah feinda eich nunnah shlauwa. Selli es eich hassa zayla ivvah eich roola, un diah zaylet shpringa even vann nimmand eich nohch kumd.

5. Mosi 18:20

Avvah en brofayt es draut fa en vatt shvetza in mei nohma es ich een nett gebodda habb fa's sawwa, adda aynah es shvetzt im nohma funn anri gettah muss doht gmacht sei.”

5. Mosi 29:20

Da Hah zayld nett gnaydich sei zu so en mann, avvah sei haysah zann zayld brenna geyyich een. Awl di flucha in demm buch zayla uf een falla, un da Hah reibt sei nohma aus unnich em gansa himmel.

1. Petrus 3:12

Fa di awwa fumm Hah sinn uf di gerechta, un sei oahra sinn uf zu iahra gebaydah. Avvah's ksicht fumm Hah is geyyich selli vo evil doon.”