Jeremia 22:18 - Pennsylvania Dutch Bible

¹⁸ Fasell, dess is vass da Hah sawkt veyyich em Joiakim, da kaynich funn Juda es em Josia sei boo is: “Si zayla nett heila fa sei doht, un sawwa, ‘Vi shreklich, mei broodah! Vi shreklich, mei shveshtah!’ Si zayla nett heila fa een, un sawwa, ‘Oh mei meishtah! Oh sei hallichkeit!’

Jeremia 22:18 ပူးပေါင်းရင်းမြစ်များ

2. Samuel 1:26

In dreebsawl doon ich leida fa dich, mei broodah Jonathan, du voahsht so blesiahlich zu miah. Dei leevi fa mich voah so vundahboah, may vundahboah es di leevi funn veibsleit.

1. Kaynicha 13:30

No hott eah's leib in sei ayya grawb glaykt, un si henn keild ivvah een un henn ksawt, “Oh mei broodah!”

2. Kaynicha 23:36

Da Joiakim voah fimf un zvansich yoah ald vo eah kaynich vadda is, un eah voah kaynich in Jerusalem fa elf yoah. Sei maemm iahra nohma voah Sebuda. See voah em Pedaias sei maydel funn Ruma.

2. Kaynicha 23:6

Eah hott da Ashera-poshta aus em tempel fumm Hah gnumma zu di Kidron Valley nayksht an Jerusalem un hott en fabrend datt. Vass ivvahrich voah hott eah ufgmawla in shtawb un hott da shtawb ivvah di grayvah kshtroit funn di leit.

2. Kaynicha 24:6

Da Joiakim hott kshlohfa mitt sei foah-feddah, un sei boo da Joiachin is no kaynich vadda an seim blatz.

1. Chronik 3:15

Em Josia sei boova iahra nayma voahra: Johanan da eahsht, Joiakim da zvett, Zedekia da dritt, un Sallum da fiaht.

2. Chronik 35:25

Da Jeremia hott en glawk-leet ksunga ivvah da Josia. Un heidichs-dawk doon awl di mansleit un veibsleit singah alsnoch singa veyyich em Josia in iahra glawk-leedah. Si henn dee glawk-leedah en adning gmacht in Israel un si sinn nunnah kshrivva im buch funn glawk-leedah.

2. Chronik 36:5

Da Joiakim voah fimf un zvansich yoah ald vo eah kaynich is vadda, un eah voah kaynich in Jerusalem fa elf yoah. Eah hott evil gedu im Hah, sei Gott sei awwa.

Jeremia 16:4

“Si zayla shtauva funn shreklichi grank-heida. Nimmand heild ivvah si un si vadda nett fagrawva, si zayla sei vi misht uf em bodda leiya. Si zayla umkumma bei em shvatt un hungahs-noht, un zayla kfressa vadda bei di fekkel funn di luft un di diahra funn di eaht.”

Jeremia 16:6

Di grohsa un di glenna zayla shtauva in demm land. Si zayla nett fagrawva vadda un nimmand zayld heila fa si. Nimmand zayld sich shneida adda sei kobb shayfa fa si.

Jeremia 21:11

Un veidah, sawk zumm kaynich-haus funn Juda, ‘Heichet ab zumm Hah sei vatt,

Jeremia 22:10

Doond nett heila fa sellah es doht is, doond nett veina fa een. Avvah heilet biddahlich fa sellah es vekk gnumma vatt, fa eah zayld nee nett zrikk kumma, eah zayld sei ayya land nimmi sayna.

Jeremia 22:12

Eah zayld shtauva am blatz vo si een anna kfiaht henn; eah zayld dess land nimmi sayna.”

Jeremia 34:5

Du zaylsht shtauva in fridda. Vi di leit insens gebrend henn fa dei feddah eahra, selli es kaynich voahra eb du, so zayla si insens brenna fa dich eahra, un zayla sich beglawwa un sawwa, “Oh hah.” Ich fashprech dess selvaht zu diah, sawkt da Hah.’”

Jeremia 36:30

So fasell sawkt da Hah dess veyyich em Kaynich Joiakim funn Juda: Kens funn sei nohch-kummashaft zayld uf em kaynich-shtool fumm Dawfit hokka, sei leib zayld naus kshmissa vadda in di hitz deich da dawk un da frosht deich di nacht.