Jeremia 22:13 - Pennsylvania Dutch Bible

¹³ “Vay zu sellah es sei kaynich-haus baut mitt ungerechtichkeit, sei evvahshti shtubba mitt uneahlichkeit, sellah es sei leit macht shaffa fa nix, un betzawld si nett fa iahra eahvet.

Jeremia 22:13 ပူးပေါင်းရင်းမြစ်များ

2. Chronik 36:4

Da kaynich funn Egypta hott no em Joahas sei broodah, da Eliakim, kaynich gmacht ivvah Juda un Jerusalem, un hott eem da nohma Joiakim gevva. Avvah da Necho hott em Eliakim sei broodah, da Joahas, gnumma un hott een zu Egypta gedrawwa.

2. Chronik 36:5

Da Joiakim voah fimf un zvansich yoah ald vo eah kaynich is vadda, un eah voah kaynich in Jerusalem fa elf yoah. Eah hott evil gedu im Hah, sei Gott sei awwa.

Hiob 31:39

habb ich's frucht gessa unni's betzawla, adda di gnechta glost fahungahra?

Jesoiya 5:8

Vay zu selli es heisah noch heisah kawfa, un feldah noch feldah, biss kenn blatz may ivvahrich is, un si voona laynich im land.

Jeremia 17:11

En mann es uneahlich reich vatt, is vi en fokkel es oiyah raus breet unni si layya. In di mitt funn sei layva, falost sei geld een un am end is eah yusht vi en unksheidah.

Jeremia 22:18

Fasell, dess is vass da Hah sawkt veyyich em Joiakim, da kaynich funn Juda es em Josia sei boo is: “Si zayla nett heila fa sei doht, un sawwa, ‘Vi shreklich, mei broodah! Vi shreklich, mei shveshtah!’ Si zayla nett heila fa een, un sawwa, ‘Oh mei meishtah! Oh sei hallichkeit!’

3. Mosi 19:13

Du solsht dei nochbah nett uneahlich yoosa adda rawva. Hald nett da lohn funn dei gnecht zrikk biss da neksht dawk.

Micha 3:10

Diah hend Zion gebaut bei bloot fageesa, un Jerusalem mitt eiyah ungerechtichkeit.

Habakuk 2:12

Vay zu eem es en shtatt baut mitt fagossa bloot, un di shtatt shteik macht bei rawva!

Maleachi 3:5

“No kumm ich zu eich fa eich richta. Un ich zayl shnell zeiya geyyich di zaubahrah, di aybrechah, un geyyich di falshi zeiyah, un geyyich selli es da lohn zrikk hayva funn iahra gnechta, un selli es di vitt-veivah, di kinnah unni eldra un di fremda nunnah dredda—dee es kenn furcht henn funn miah,” sawkt da Awlmechtich Hah.

5. Mosi 15:13

Un vann diah si frei gay losset, dann sellet diah si nett fatt shikka unni eena ebbes gevva.

Jakobus 5:4

Heichet moll, da lohn funn di shaff-leit vo eiyah feldah gmayt henn, un es diah nett betzawld henn, is am naus greisha geyyich eich. Un di shaff-leit iahra roofes langd nuff zu di oahra fumm Awlmechticha Hah.