Jeremia 2:37 - Pennsylvania Dutch Bible

³⁷ Du falosht sellah blatz in shohm, mitt dei hend ivvah dei kobb. Fa da Hah hott selli nunnah gedrayt, es du dei hofning nei dusht. Si zayla diah nett helfa.”

Jeremia 2:37 ပူးပေါင်းရင်းမြစ်များ

2. Samuel 11:12

No hott da Dawfit ksawt zu eem, “Bleib do noch ay dawk no meiya shikk ich dich zrikk.” So is da Uriah sellah dawk un da neksht in Jerusalem geblivva.

2. Samuel 13:19

Di Thamar hott esh uf iahra kobb gedu un hott iahra rokk farissa es see am veahra voah. See hott iahra hand uf iahra kobb gedu, un is fatt ganga am brilla vi si ganga is.

2. Chronik 13:12

Gott is mitt uns un gayt fannich uns. Sei preeshtah mitt iahra blohs-hanna zayla si blohsa mitt em greeks-grish geyyich eich. Mennah funn Israel, doond nett fechta geyyich da Hah, da Gott funn eiyah foah-feddah, fa's zayld nett goot ausdrayya fa eich.”

Jesoiya 10:4

'Sis no nix ivvahrich es vi fa unnich di kfangana gneeya, adda fa nunnah falla unnich di dohda. Un deich awl dess is sei zann nett vekk gedrayt; sei shtrohf-hand is alsnoch naus kshtrekt.

Jesoiya 28:18

Eiyah bund mitt em doht un em grawb zayld nix veaht sei. Vann si moll ivvahraus uf uns lohs gayn, dann zayla si gans ivvah eich shtamba.

Jeremia 14:3

Iahra reichi shikka iahra gnechta fa vassah hohla; si gayn naus an di sistahns, avvah si finna kenn vassah. Si kumma zrikk mitt leahri ksharra; si henn moot faloahra un sinn bedreebt, si dekka iahra kebb zu.

Jeremia 14:4

Veil kenn reyya im land is, is da bodda ufgedrikkeld; di bavvah sinn bedreebt un dekka iahra kebb zu.

Jeremia 17:5

Dess is vass da Hah sawkt: “Faflucht is sellah es sich uf mensha falost, un zu flaysh gukt fa sei grefta, sellah es sei hatz vekk drayt fumm Hah.

Jeremia 2:36

Vi leicht nemsht du dess, un gaysht anri lendah iahra gettah nohch! Du zaylsht yusht so oahrich nunnah glost sei bei Egypta, es du voahsht bei Assyria.

Jeremia 22:20

“Gay nuff un greish naus uf di berga funn Lebanon, mach dei shtimm keaht in Basan, un greish naus funn Abarim, fa awl di leit es du dich falossa hosht druff, sinn nunnah kshlauwa.

Jeremia 22:30

Dess is vass da Hah sawkt: “Shreib deah mann nunnah fa kenn kinnah havva, en mann es nee nett goot du zayld sei layva lang; kens funn sei nohch-kummashaft zayld goot du; kens funn eena zayld uf em Dawfit sei kaynich-shtool hokka un Juda viddah roola.”

Jeremia 32:5

Eah zayld da Zedekia an Babylon nemma un eah zayld datt bleiva biss ich een psuch, sawkt da Hah. Vann du geyyich di Chaldayah fechsht zaylsht du faliahra.’”

Glawk-Leedah 4:17

Miah henn ohkalda gukka fa hilf, biss unsah awwa nimmi sayna henn kenna. Miah henn ohkalda voahra un vatsha fa en folk es uns nett helfa hott kenna.

4. Mosi 14:41

Avvah da Mosi hott ksawt, “Favass doond diah nau em Hah sei gebott ivvah-dredda? Dess zayld nett ausshaffa fa eich.