Jeremia 2:18 - Pennsylvania Dutch Bible

¹⁸ Nau vass batt's dich fa noch Egypta gay fa vassah drinka fumm Nile Revvah? Adda vass batt's dich fa noch Assyria gay un vassah drinka fumm Euphrates Revvah?

Jeremia 2:18 ပူးပေါင်းရင်းမြစ်များ

2. Chronik 28:16

An selli zeit hott da Kaynich Ahas vatt kshikt zumm kaynich funn Assyria fa hilf.

Jesoiya 23:3

un voahra uf feel vassahra. Es frucht fumm Nile, un di eahn fumm Revvah hott Tyrus reich gmacht, un see voah di kawf-shtatt funn di heida.

Jesoiya 31:1

Vay zu selli es nunnah gayn zu Egypta fa hilf, selli es sich falossa uf geil, selli es sich falossa uf iahra feel greeks-veyya, un uf di graft funn iahra fuah-dreivah, avvah si falossa sich nett uf Sellah funn Israel es Heilich is, un gukka nett fa hilf fumm Hah.

Jesoiya 7:20

An sella dawk zayld da Hah en raysah dinga fa eich shayfa; naymlich, da kaynich funn Assyria vo uf di annah seit fumm revvah is. Eah zayld di hoah uf eiyah kebb, di hoah uf eiyah bay un di hoah uf eiyah beaht abshayfa.

Jeremia 2:36

Vi leicht nemsht du dess, un gaysht anri lendah iahra gettah nohch! Du zaylsht yusht so oahrich nunnah glost sei bei Egypta, es du voahsht bei Assyria.

Jeremia 31:22

Vi lang zaylsht du ay un da annah vayk drayya, du unglawvich maydel? Da Hah dutt en nei ding uf di eaht— en fraw zayld en mann umringa.”

Glawk-Leedah 4:17

Miah henn ohkalda gukka fa hilf, biss unsah awwa nimmi sayna henn kenna. Miah henn ohkalda voahra un vatsha fa en folk es uns nett helfa hott kenna.

Glawk-Leedah 5:6

Miah henn missa di hand naus hayva zu Egypta un Assur, so es miah genunk broht henn.

Ezekiel 16:28

Du hosht aw huahrahrei gedrivva mitt di Assyrians veil du noch nett satt voahsht, un even noch sellem voahsht du alsnoch nett satt.

Ezekiel 17:15

Avvah da kaynich in Jerusalem hott geyyich een kshaft un hott mennah zu Egypta kshikt fa geil un feel greeks-gnechta greeya. Zayld dess shaffa? Kann eah vekk kumma mitt demm? Kann eah sell bund brecha un drunnah raus kumma?

Ezekiel 23:30

henn dess uf dich gebrocht, veil du glusht hosht noch di heida un dich unrein gmacht hosht mitt iahra abgettah.

Hosea 5:13

Vo da Ephraim sei grankheit ksenna hott, un Juda sei vayyah blakka, no hott da Ephraim sich falossa uf Assur, un hott kshikt fa hilf fumm grohsa kaynich. Avvah eah hott diah nett helfa kenna, un dich aw nett hayla kenna.

Hosea 7:11

Ephraim is vi en dummi daub, es sich kshvind fafiahra lost. Seahsht roofa si zu Egypta, no drayya si zu Assur.

Joshua 13:3

Es land fumm Sihor Revvah east funn Egypta zu's land funn Ekron in di natt is awl Kanaaniddish land. Es heaht zu di fimf Philishtah kaynicha in Gaza, Asdod, Ashkelon, Gath un Ekron—un aw noch di Avviddah.