Jeremia 2:11 - Pennsylvania Dutch Bible

¹¹ Henn di heida selayva iahra gettah fahandeld, even vann si kenn gettah sinn? Doch mei leit henn iahra hallichkeit fahandeld fa abgettah es eena nett helfa kenna.

Jeremia 2:11 ပူးပေါင်းရင်းမြစ်များ

1. Kaynicha 11:33

Ich zayl dess du veil si mich falossa henn, un henn di gettah-fraw Astharoth funn Sidon, da Kamos gott funn Moab un da Milkom gott funn Ammon gedeend. Si sinn nett in mei vayya gloffa un henn gedu vass recht is in mei awwa. Si henn aw mei adninga un gebodda nett kalda vi da Dawfit, em Solomon sei faddah, hott.

2. Kaynicha 1:3

Avvah da engel fumm Hah hott ksawt zumm Elia da Thisbiddah, “Gay nuff un dreff di mennah oh es da kaynich funn Samaria kshikt hott, un sawk zu eena, ‘Is es veil's kenn Gott in Israel hott es diah am gay sind da Baal-Sebub, da gott funn Ekron frohwa?’

2. Chronik 13:9

avvah hend diah nett em Aaron sei boova di preeshtah un di Lefiddah ausgedrivva, un preeshtah gmacht funn eiyah aykni leit vi anri lendah doon? Veah evvah es kumd un sich heilich macht mitt en yungah bull un sivva shohf-bekk kann en preeshtah vadda funn selli es nett gettah sinn.

Psalm 106:20

Si henn di hallichkeit funn iahra Gott fahandeld fa en gleichnis funn en ox es graws frest.

Psalm 115:4

Avvah iahra abgettah sinn silvah un gold; si sinn gmacht mitt di hend funn mensha.

Psalm 3:3

Avvah du bisht en shield um mich rumm, oh Hah, du gebsht miah eah un haybsht mei kobb uf.

Jesoiya 37:19

Si henn di leit iahra gettah in's feiyah kshmissa un si fabrend. Avvah si voahra nett gettah avvah yusht hols un shtay es gmacht voahra mitt mensha hend.

Jeremia 16:20

Kenna leit iahra aykni gettah macha? Yau, avvah si sinn nett rechti gettah!”

Jeremia 18:13

So dess is vass da Hah sawkt: “Frohwet unnich di heida: Veah hott selayva ennich ebbes keaht vi dess? En greislich ding voah gedu beim leddich maydel Israel.

Jeremia 2:5

Dess is vass da Hah sawkt: “Vass fa faylah henn eiyah feddah kfunna in miah, es si so veit vekk ganga sinn funn miah? Si sinn abgettah nohch gloffa es nix veaht voahra, un sinn selvaht nix veaht vadda.

Jeremia 2:8

Di preeshtah henn nett kfrohkt, ‘Vo is da Hah?’ Selli es acht gevva uf's ksetz henn mich nett gekend; di foah-gengah henn geyyich mich kshaft. Di brofayda henn gebroffetzeit im Baal sei nohma, un sinn abgettah nohch gloffa es nix veaht voahra.

Jeremia 5:7

“Favass sett ich dich fagevva? Dei kinnah henn mich falossa, un henn kshvoahra bei selli es nett gettah sinn. Ich habb folshtendich kseikt fa si, doch henn si di ay gebrocha, un sinn in di huahra iahra heisah kshprunga.

Ezekiel 14:5

Ich du dess fa di hatza funn di leit funn Israel zrikk greeya, dee es mich falossa henn fa iahra abgettah.’

Ezekiel 5:7

So dess is vass da Awlmechtich Hah sawkt: Veil diah eich shlimmah fasindicht hend es di heida um eich rumm, un nett gloffa sind in mei adnunga, un mei gebodda nett kalda hend, un even di adnunga nett kalda hend funn di heida um eich rumm,

Micha 4:5

Leit in anri lendah zayla iahra gettah nohch gay, avvah miah zayla lawfa im nohma fumm Hah unsah Gott fa'immah.

Römer 1:23

Si henn di hallichkeit fumm ayvicha Gott fahandeld fa abgettah es gukka vi da shteahblich mensh, un fekkel, un fiah-feesichi diahra un shlanga.

1. Korinther 8:4

Nau veyyich sacha essa vo gopfaht voahra zu abgettah, miah vissa es en abgott nix is in di veld, un es es yusht ay Gott hott.

Galater 4:8

Eahshtah zrikk, vo diah Gott nett gekend hend, hend diah selli gedeend vo bei naduah nett gettah sinn.

5. Mosi 32:16

Si henn een jealous gmacht mitt fremdi gettah, un henn een fa'eiyaht mitt iahra ayklichi abgettah.

5. Mosi 32:21

Si henn mich jealous gmacht mitt sell es nett Gott is, un henn mich fa'eiyaht mitt iahra gettah. Ich mach si jealous mitt selli es nett en leit sinn, ich fa'eiyah si mitt en folk es dumhayda dreibt.

5. Mosi 33:29

Ksaykend bisht du, oh Israel, veah is vi du, en leit saylich gmacht bei em Hah? Eah is eiyah shield un eiyah hilf, un di shvatt funn eiyah hallichkeit. Eiyah feinda bikka sich fannich eich un feicha sich, un diah shtambet iahra hohchi bletz nunnah.”

1. Petrus 1:18

Diah visset es es nett voah mitt sacha es fagayn vi silvah adda gold, es diah frei gekawft sind vadda funn eiyah unfruchtboah layva vass diah geahbt hend funn eiyah foah-feddah,

1. Samuel 4:21

See hott da boo Ikabod kaysa un hott ksawt, “Di hallichkeit hott Israel falossa.” Dess voah veil di Bundes-Lawt funn Gott gnumma gvest voah un iahra shviah-faddah un iahra mann doht voahra.