Jeremia 19:9 - Pennsylvania Dutch Bible

⁹ Ich mach si's flaysh funn iahra kinnah essa, un si zayla aw nannah iahra flaysh essa vann si moll eikshpatt vadda in iahra shtett bei iahra feinda es si doht macha vella.’

Jeremia 19:9 ပူးပေါင်းရင်းမြစ်များ

2. Kaynicha 25:3

Bei em neinda dawk fumm fiahda moonet voah di hungahs-noht so grohs in di shtatt es goah kenn ess-sach may datt voah fa di leit.

Jesoiya 9:20

Si nemma ess-sach uf di rechts seit, un sinn alsnoch hungahrich, si essa alles uf di lings seit, un doch sinn nett satt. Alli-ebbah est's flaysh funn sei ayknah oahm.

Jeremia 13:14

No shlakk ich si zammah un fabrech si vi tsheahs, aynah geyyich da annah, di feddah un aw iahra boova,” sawkt da Hah. “Ich zayl si nett davvahra un kenn bamhatzichkeit lossa mich shtobba funn si doht macha.”’”

Jeremia 38:9

“Mei hah un kaynich, dee mennah henn en ungettlich ding gedu zumm brofayt Jeremia. Si henn een in en sistahn kshmissa. Eah zayld fahungahra datt veil kenn broht may in di shtatt is.”

Glawk-Leedah 2:20

Gukk moll, oh Hah, un denk drivvah, veah hosht du selayva kshtrohft vi dess? Sedda di veibsleit iahra kinnah essa, di kinnah es si acht gevva henn druff? Sett da preeshtah un da brofayt doht gmacht sei im tempel fumm Hah?

Glawk-Leedah 4:10

Di hend funn bamhatzichi veibsleit henn missa iahra aykni kinnah kocha; dess is iahra ess-sach vadda, vo dess aylend uf di dochtah funn mei leit kumma is.

Ezekiel 5:10

In di mitt funn diah zayla di feddah iahra kinnah essa, un di kinnah zayla iahra feddah essa. Ich zayl shtrohf uf dich bringa un zayl selli vo ivvahrich sinn fashtroiya zu di vinda ivvahrawlich.

3. Mosi 26:29

Diah zaylet's flaysh funn eiyah boova un's flaysh funn eiyah mayt essa.