Jeremia 19:3 - Pennsylvania Dutch Bible

³ un sawk, ‘Heichet's vatt fumm Hah ab, diah kaynicha funn Juda un diah leit funn Jerusalem. Dess is vass da Awlmechtich Hah, da Gott funn Israel, sawkt: Heichet moll, ich zayl en shreklich fadauves uf deah blatz bringa, so shlimm es di oahra funn alli-ebbah es heaht difunn rabla zayla.

Jeremia 19:3 ပူးပေါင်းရင်းမြစ်များ

Psalm 102:15

Di heida zayla em Hah sei nohma firchta, un awl di kaynicha funn di eaht dei hallichkeit.

Psalm 110:5

Da Hah is an dei rechtsi seit, eah shlakt di kaynicha uf em dawk funn sei zann.

Psalm 2:10

So fashtaynd dess, diah kaynicha, seind gvand, diah roolahs uf di eaht.

Jesoiya 28:19

Alli-mohl es si deich kumma, vi hohch vassah nemma si eich vekk; meiya noch meiya un deich dawk un nacht, kumma si un drawwa eich vekk. Vann diah fashtaynd vass dess maynd, zaylet diah fagelshtaht sei.”

Jeremia 13:18

Sawk zumm kaynich un di kaynich-muddah, “Kummet runnah funn eiyah kaynich-shteel, fa eiyah shayni krohna sinn funn eiyah kobb kfalla.”

Jeremia 17:20

Sawk zu eena, ‘Heichet's vatt fumm Hah, diah kaynicha funn Juda, awl di leit funn Juda un alli-ebbah es in Jerusalem voond un deich dee doahra kumd.

Jeremia 18:11

So nau sawk zu di leit funn Juda un selli in Jerusalem, ‘Dess is vass da Hah sawkt: Gukket moll, ich binn am rishta fa eich veeshtahlich shtrohfa mitt sacha es ich ausrichta zayl geyyich eich. So drayyet zrikk funn eiyah evili vayya, yaydahs funn eich, un fabessahret eiyah vayya un vi diah layvet.’

Jeremia 19:15

“Dess is vass da Awlmechtich Hah, da Gott funn Israel, sawkt: ‘Heichet moll, ich zayl uf dee shtatt un awl di shtetlen drumm rumm, awl di heslichi sacha kumma lossa es ich fashprocha habb geyyich si, veil si sich kshteibaht henn un's nett gedu henn fa mei vadda abheicha.’”

Jeremia 25:29

Gukket moll, ich binn am ohfanga fadauves uf di shtatt bringa es mei Nohma hott, so denket diah es diah zaylet unkshtrohft gay? Diah zaylet nett gay unni kshtrohft sei, veil ich en shvatt uf di gans eaht bringa zayl, sawkt da Awlmechtich Hah.’

Jeremia 35:17

So dess is vass da Hah, da Awlmechtich Gott, da Gott funn Israel, sawkt: ‘Gukket moll! Ich zayl uf Juda un uf alli-ebbah in Jerusalem awl di shreklicha sacha bringa es ich fashprocha habb geyyich si. Ich habb kshvetzt zu eena, avvah si henn mich nett abkeicht; ich habb si groofa, avvah si henn kenn andvat gevva.’”

Jeremia 44:3

Dess is veil si so veesht ksindicht henn. Si henn mich veesht bays gmacht bei opfahra brenna un anri gettah deena es si nett gekend henn, un es aw diah adda eiyah feddah nett gekend henn.

Jeremia 6:19

Heich mich ab, oh eaht: Ich zayl evil uf dee leit bringa, dess is da shtrohf fa iahra shkeems, veil si mei vadda nett abkeicht henn, un mei ksetz nunnah gedrayt henn.

Ezekiel 7:5

Dess is vass da Awlmechtich Hah sawkt: En evil, en heslich evil is am kumma.

Matthäus 10:18

Si zayla eich fannich govvenahs un kaynicha bringa deich mich. Diah zaylet en zeiknis sei zu eena un zu di Heida.

Di Offenbarung 2:29

Deah vo en oah hott, loss een heahra vass da Geisht sawkt zu di gmayna.’”

1. Samuel 3:11

Un da Hah hott ksawt zumm Samuel, “Gukk moll, ich zayl en ding du in Israel es di oahra rabla macht funn alli-ebbah es dess heaht.