Jeremia 17:6 - Pennsylvania Dutch Bible

⁶ Eah zayld sei vi en hekka-putsha in di vildahnis, un zayld's gooda nett sayna vann's kumd. Eah voond draus in di drukkana bletz in di vildahnis, in en salsich land vo nimmand shunsht voond.

Jeremia 17:6 ပူးပေါင်းရင်းမြစ်များ

2. Kaynicha 7:2

No hott da greeks-gnecht, deah mitt em oahm es da kaynich sich druff glost hott, ksawt zumm mann funn Gott, “Even vann da Hah fenshtahra uf macha dayt im himmel, vi kend so en sach blatz nemma?” Da Elisa hott ksawt zu eem, “Du zaylsht's sayna mitt dei aykni awwa, avvah du zaylsht nett essa difunn.”

Hiob 20:17

Eah zayld di vassah-grikka nett sayna, di revvahra es lawfa mitt hunnich un millich.

Hiob 39:6

Ich habb eem di vildahnis gevva fa sei haymet, un's salsich land fa drinn voona.

Psalm 1:4

Avvah di gottlohsa sinn nett so! Si sinn vi shprau es da vind fatt blohst.

Psalm 107:34

Eah hott's fruchtboah land salsich un veesht gmacht, veil selli ungettlich voahra es datt gvoond henn.

Psalm 92:7

es even vann di gottlohsa uf kumma vi graws, un di evil-shaffah shteik vaxa, zayla si endlich vekk gebutzt sei fa'immah.

Jesoiya 1:30

Diah zaylet sei vi en aycha-bohm mitt favelkti bleddah, vi en goahra unni vassah.

Jeremia 29:32

dess is vass da Hah sawkt: Ich zayl geviss da Semaia funn Nehelam un sei nohch-kummashaft shtrohfa. Kens funn sei leit zayla levendich sei fa di gooda sacha sayna es ich du zayl fa mei leit, sawkt da Hah, veil eah gebreddicht hott es leit sich shtella sella geyyich Gott.”

Jeremia 48:6

Si sawwa, ‘Shpringet kshvind fa eiyah layva halda, so es diah sind vi en bohm in di vildahnis.’

Ezekiel 47:11

Avvah's vassah in di niddahra bletz un shvambs vatt nett frish gmacht, selli bletz bleiva salsich.

Zephania 2:9

Fasell, so shuah es ich layb,” sawkt da Awlmechtich Hah, da Gott funn Israel, “zayld Moab vadda vi Sodom un di Ammoniddah vi Gomorra— en blatz funn veetz un sals-pits, en fadauvanah blatz fa'immah. Mei leit es ivvahrich sinn zayla si rawva, un zayla iahra land eahva.”

5. Mosi 29:23

Es gans land zayld fadauva sei mitt solfah un sals; nix vatt geblanst un nix kumd uf, nett even graws kann vaxa. Es zayld sei vi di shtett funn Sodom un Gomorra, Adama un Zeboim, es da Hah in seim haysa zann nunnah grissa hott.

Richtah 9:45

Sellah gans dawk hott da Abimelech kfochta mitt di leit funn di shtatt biss eah si ivvah-kumma is, un hott di leit doht gmacht. No hott eah di shtatt zammah nunnah grissa un hott sals drivva kshtroit.