Jeremia 14:8 - Pennsylvania Dutch Bible

⁸ Du bisht di Hofning funn Israel, unsah hilf an di zeit funn noht. Favass bisht du vi en fremdah im land, adda vi ebbah uf em vayk es yusht ivvah-nacht bleibt?

Jeremia 14:8 ပူးပေါင်းရင်းမြစ်များ

Psalm 10:1

Favass shtaysht du veit vekk, oh Hah? Favass fashtekkelsht du dich an di zeit funn druvvel?

Psalm 138:7

Vann ich in di mitt funn druvvel lawf, dann dusht du mich levendich halda; du shtreksht dei hand naus geyyich da zann funn mei feinda, un mitt dei rechtsi hand machsht mich frei.

Psalm 46:1

Gott is unsah sayfah Roo-Blatz un unsah Graft; eah is immah datt fa helfa an di zeit funn druvvel.

Psalm 46:2

Fasell feicha miah uns nett, even vann di eaht unnah gayt, un vann di berga in di mitt funn da say falla;

Psalm 50:15

Roof zu miah vann druvvel kumd, ich mach dich frei, un du zaylsht mich fagleahra.”

Psalm 71:5

Fa du bisht mei hofning, oh Hah, mei Gott, mei fadrauwung funn yungem uf.

Psalm 9:9

Da Hah is en sayfah Roo-Blatz fa di nunnah-gedreddana, en sayfah blatz an di zeit funn druvvel.

Psalm 91:15

Eah zayld mich roofa, un ich gebb eem andvat; ich zayl bei eem sei in druvvel; ich zayl een frei macha un eem eah gevva.

Jesoiya 33:2

Oh Hah, sei gnaydich zu uns, miah voahra uf dich. Sei unsah graft alli meiya, un sei unsah hilf an di zeit funn druvvel.

Jesoiya 43:11

Ich, un ich laynich, binn da Hah, un unni mich, hott's kenn Heiland.

Jesoiya 43:3

Fa ich binn da Hah, dei Gott, sellah es Heilich is in Israel, dei Heiland. Ich gebb Egypta fa dich frei kawfa, un Ethiopia un Seba an deim blatz.

Jesoiya 45:15

Du bisht geviss en Gott es sich fashtekkeld, du, da Gott un Heiland funn Israel.

Jesoiya 45:21

Kummet zammah un machet aus vass diah foah bringa vellet. Veah hott dess foahksawt lang zrikk, un veah hott dess fakindicht an selli zeit? Voah's nett mich, da Hah? Es hott kenn Gott unni mich, en gerechtah Gott un Heiland; es hott kennah unni mich.

Jesoiya 63:8

Eah hott ksawt, “Yau, si sinn mei leit, kinnah es nett falsh sei zayla zu miah.” Un so is eah iahra Heiland vadda.

Jeremia 16:19

Oh Hah, du bisht mei graft un mei hilf, zu diah kann ich shpringa vann ich in di kfoah binn; di heida zayla zu diah kumma, fumm end funn di eaht kumma si un sawwa, “Unsah feddah henn nix katt es yusht falshi gettah, gleichnisa es eena nett helfa henn kenna.

Jeremia 17:13

Oh Hah, du bisht di hofning funn Israel, awl selli es dich falossa, missa sich shemma. Selli es vekk drayya funn diah, greeya iahra nohma in da shtawb kshrivva, veil si da Hah falossa henn, deah es di shpring funn ayvich vassah is.

Jeremia 30:7

Vi furchtboah zayld sellah dawk sei! Es zayld sei vi kenn anra. Es is di zeit fumm Jakob sei druvvel avvah eah zayld frei gmacht sei difunn.

Jeremia 50:7

Veah-evvah es si kfunna hott, hott si ufkfressa; iahra feinda henn ksawt, ‘'Sis nett unsah shuld, veil si ksindicht henn geyyich da Hah. Eah is iahra rechtah voon-blatz, da Hah, di hofning es iahra foah-feddah katt henn.’

Joel 3:16

Da Hah zayld roahra funn Zion, un sei shtimm heahra lossa funn Jerusalem; di eaht un da himmel zayla shidla. Avvah da Hah hald sei leit aus di kfoah; eah is en shteik gebei es di Kinnah-Israel nei gay kenna.

Sacharia 9:12

Gaynd zrikk zu eiyah shteiki shtatt, diah kfangani es hofning hend; heit sawk ich es ich eich zvay mohl so feel sayya gevva zayl fa vass diah deich gmacht hend.

Di Apostelgeschichte 28:20

Fa selli uahsach havvich eich zammah groofa, so es ich eich sayna kann un shvetza kann zu eich. Fa di hofning funn Israel binn ich gebunna mitt dee kett.”

1. Timotheus 1:1

Paulus, en aposhtel funn Jesus Christus bei gebott funn Gott unsah Heiland, un fumm Hah Jesus Christus vo unsah hofning is.

Richtah 19:17

Vo da ald mann ufgegukt hott un hott deah fremd mann ksenna im shtatt-shkveah hokka, hott eah kfrohkt, “Vo bisht am hee gay? Funn vo bisht kumma?”